Actualitats
Lo Conselh Constitucional francés censura las enebicions administrativas de manifestar
S’agís de la mesura mai contestada de la dicha “Lei antitrencaires” que cèrca de reprimir las manifestacions dels Gilets Jaunes
Lo Conselh Constitucional francés a censurat las enebicions administrativas de manifestar qu’aviá impausadas lo govèrn de Philippe dins la dicha “Lei antitrencaires”. Foguèt lo quite Macron qu’aviá sasit la pus nauta jurisdiccion francesa al subjècte d’aqueste article de la lei polemica, mas tanben de dos autres que son estats validats.
La mesura censurada es la pus contestada d’aquela lei, elaborada coma mesura “d’estrategia de lucha contra las violéncias” de las manifestacions dels Gilets Jaunes. L’article en question donava la possibilitat al prefècte de prononciar d’enebicions administrativas de manifestar. Es dins aquel sens que raportàvem lo 20 de març passat, que l’executiu de Philippe aviá interdich las manifestacions en divèrses endreches, dont la Plaça Pey-Berland de Bordèu, la Plaça del Capitòli de Tolosa o quitament la plaça Garibaldi de Niça. Justament es a causa d’aquela mesura que la polícia nafrèt grèvament al cap l’activista niçarda Geneviève Legay a 73 ans.
Lo mes passat, un grop d’expèrts de l’ÒNU denoncièron de restriccions grèvas als dreches dels manifestants Gilets Jaunes. “Lo drech de manifestar en França es estat restrench de manièra desproporcionada” al temps de las manifestacions dels Gilets Jaunes, e “las autoritats deurián repensar lors politicas en matèria de mantenement de l’òrdre per garentir l’exercici de las libertats”, çò afirmavan.
La mesura censurada es la pus contestada d’aquela lei, elaborada coma mesura “d’estrategia de lucha contra las violéncias” de las manifestacions dels Gilets Jaunes. L’article en question donava la possibilitat al prefècte de prononciar d’enebicions administrativas de manifestar. Es dins aquel sens que raportàvem lo 20 de març passat, que l’executiu de Philippe aviá interdich las manifestacions en divèrses endreches, dont la Plaça Pey-Berland de Bordèu, la Plaça del Capitòli de Tolosa o quitament la plaça Garibaldi de Niça. Justament es a causa d’aquela mesura que la polícia nafrèt grèvament al cap l’activista niçarda Geneviève Legay a 73 ans.
Lo mes passat, un grop d’expèrts de l’ÒNU denoncièron de restriccions grèvas als dreches dels manifestants Gilets Jaunes. “Lo drech de manifestar en França es estat restrench de manièra desproporcionada” al temps de las manifestacions dels Gilets Jaunes, e “las autoritats deurián repensar lors politicas en matèria de mantenement de l’òrdre per garentir l’exercici de las libertats”, çò afirmavan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los que trencan vidres dels aparadors son los provocadors de la mateissa policia e las clavagueras dels servicis secrets.
I a as a dire, la Macronia navega a las bòlas de la democracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari