CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Actualitats

Dissabte, 20 d'abril de 2019, 03h00 Libres

Gasconha > Val d'Aran

Aran: de nòvas publicacions per Sant Jòrdi

Lo govèrn aranés prepausa de publicacions en occitan d’Aran a l’ocasion del Jorn Internacional del Libre


Comentaris 4 comentaris    
Marrit Flac Bon Plan bon Fabulós (3 vòtes)
carregant En cargar


Conselh Generau d\'Aran





Nòvas restacadas
Etiquetas
aran, condò, gutiérrez, libres

Dimars que ven serà lo jorn de Sant Jòrdi, que consagram de mai en mai als libres e a l’amor, a la seguida de la tradicion catalana. A l’escasença d’aquela data, lo Conselh General d’Aran ven de far qualques publicacions.
 
 
De poèmas e de bèstias
 
Una d’aquelas publicacions es lo libre de poesia de Xavi Gutiérrez entitolat Bestiauuu! Libre de poèmes de bèsties, bestiòtes e bestieses. Se tracta d’un libre que s'adreiça a totes los publics amb un poèma per caduna de las bèstias presentas acompanhat d’una illustracion de Ricard Novell e d’un petit lexic. Serà distribuit a las escòlas de la Val d’Aran.
 
“Donques qu’auem tantes bèsties e tan apròp de casa, mos calie profitar er entorn naturau tan fantastic entà hèr a conéisher era nòsta fauna, era gròssa e era petita, entà qu’era mainadèra aprenen a respectar-les pr’amor que cada bèstia a ua foncion en aguest Mon”, çò ditz l’autor.
 
L’òbra es estada possibla gràcias a una ajuda del Centre d’Art e Natura (CAN) dins l’encastre d’un programa d’escambi amb lo Tyrone Guthrie Centre d’Irlanda.
 
 
Perqué los umans caminam dreches?
 
Una autra publicacion es Era revolucion verticau, o perqué es umans caminen dreti de l’escrivan kenyan Ngũgĩ wa Thiong’o, un dels escrivans africans mai reconeguts del Mond e mai escriga en lenga kikuiu.
 
Aquesta novèla foguèt escricha originàriament en lenga kikuiu, puèi l’autor la revirèt en anglés, e d’aquí Jordi Suïls ne faguèt la version en occitan d’Aran. Lo libre, publicat per Pagès Editors, es una edicion bilingua anglés-occitan.
 
S’agís d’una faula africana d’estil classic traducha en mai d’ochanta lengas que rend omenatge a la tradicion de la literatura orala africana. L’òbra reprodutz un conte tradicional qu’explica la formacion del còrs uman coma un debat entre sas divèrsas partidas. Los braces e las cambas voldràn mostrar que son los mai importants en demandant lo testimoniatge dels animals. Mas los animals los prendràn per de pècs e las autras partidas del còrs uman voldràn tanplan dire lor vejaire.
 
 
Centenari de la mòrt de Jusèp Condò
 
A mai, dins l’encastre de la commemoracion del centenari de la mòrt de Jusèp Condò, lo jorn de Sant Jòrdi se tendrà una conferéncia sul prèire e poèta aranés per Jusèp Amiell. L’eveniment se tendrà a 19h al sèti del Conselh General d’Aran.
 
Condò foguèt lo primièr aranés a emplegar l’occitan coma lenga literària en daissant un legat preciós per la lenga nòstra. Escriguèt de poèmas, de contes, de romans e de teatre. En 1912, ganhèt lo prèmi dels Jòcs Florals de Tolosa amb la rejoncha de poèmas Era Val d’Aran.
 
Una de sas òbras màgers es lo roman Era isla des Diamants , una istòria de ficcion dins la quala de ciutadans d’Aran fondan un nòu país aranés amb una societat idealizada. De soslinhar las politicas lingüisticas revolucionàrias qu’imagina Condò per aquela novèla Val d’Aran.
 
L’Institut d’Estudis Araneses - Acadèmia Aranesa de la Lenga Occitana a publicat ongan una version àudio del roman:
 

 
 
 



 
GUTIÉRREZ, Xavi. Bestiauuu! Libre de poèmes de bèsties, bestiòtes e bestieses. Conselh Generau d'Aran, 2019.
 
WA THIONG’O, Ngũgĩ. Era revolucion verticau, o perqué es umans caminen dretiPagès editors, colleccion Garona Vària Nº6, 2019. 96 paginas. 15 èuros.
 
CONDÒ, Jusèp. Era isla des Diamants.
            — Escola deras Pirenéos, 1981.
            — Conselh Generau d'Aran, 2006
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

22 d'abril 17.25h

#2 Jòrdi es tanben una fòrma plan occitana atestada per Mistral. Ai conegut de monde que lor escais de familha èra Jòrdi e avèm en Carcin un provèrbi que ditz : "Per Sent-Jòrdi semena l'òrdi".


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

21 d'abril 23.29h

Voldria comprar un libre d'ovnis en catalan per Sant Jordi ? Mas ne trobaré pas.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

21 d'abril 13.10h

Jòrdi me sembla la forma catalana de Jòri o Juèri (< Geòrgiu*)...


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 d'abril 08.22h

Felicitats pes naues publicacions.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 13
  • sol Aush 12
  • sol Bordèu 14
  • sol Briançon 11
  • sol Caors 12
  • sol Carcassona 15
  • sol Clarmont-Ferrand 12
  • sol Confolent 12
  • sol Gap 10
  • sol La Canau 14
  • sol La Gàrdia 20
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 12
  • sol Marselha 17
  • sol Montpelhièr 15
  • sol Naut Aran 13
  • sol Niça 18
  • sol Nimes 16
  • sol Pau 12
  • sol Peireguers 12
  • sol Rodés 12
  • sol Tolon 14
  • sol Tolosa 13
  • sol Valença 13

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Asuèlhs comengeses. © Franc Bardòu

    Asuèlhs Comengeses

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Franc Bardòu

    Tèrra albigesa

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    País Bordalés

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Minecraft en version occitana

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Aure Séguier

    Carnaval Biarnés 2017

  • País de Rasés. © Franc Bardòu

    País de Rasés

  • Niça vièlha en occitan niçard. © LR

    Niça vièlha en occitan niçard

  • © Franc Bardòu

    País Bordalés

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Asuèlhs comengeses. © Franc Bardòu

    Asuèlhs Comengeses

  • Briga (val de Ròia)

  • © Zep Armentano

    Era Mongetada (Val d'Aran 28-29 d'octobre 2017)

  • Fèsta occitana a Barcelona, a l'ocasion del cinquen anniversari de Jornalet

  • Asuèlhs comengeses. © Franc Bardòu

    Asuèlhs Comengeses

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


59%



24%



16%




Vots 37 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)