Bandièra01 capçalera  1180x150: Novestivada

Actualitats

Bordèu: de carrièras començan de recuperar lors noms occitans

Dimècres passat, l’Ostau Occitan placèt de placas sus las ruas Boquèira e Sent Jacme, en tornant al centre de Bordèu los noms de sas carrièras

| NÒS - Nouvelles OccitanieS
Dimècres passat, 8 de mai, s’inaugurèt al Bordèu las placas en occitan de las carrièras Boquèira e Sent Jacme. Atal, aquelas carrièras de la Bèla Endormida recupèran lors noms, de noms servats dins la memòria de qualques unes, e totjorn atestats sul plan de Bordèu de Léo Drouyn en 1450, que lo citava dimenge passat Joan-Jacme Fénié dins Jornalet.
 
L’eveniment aguèt luòc gràcias a l’iniciativa de l’Ostau Occitan, çò es la seccion girondina de l’Institut d’Estudis Occitans, qu'espèra que la comuna respondrà a sa demanda de nomenar en occitan las autras carrièras de la vila.
 
De soslinhar la preséncia del Front Popular per la Republica Occitana (FPRO) que participèt a l’eveniment amb una bandeiròla que reclamava la fin de l’etnocidi del pòble occitan. L’FPRO veniá de se presentar aquí, a Bordèu, dins la manifestacion del 1r de mai: vòl èsser l’organizacion de massa de l’ÒDPO e sa tòca es de crear las condicions per l’aparicion d’un movement politic popular occitanista que defenda una Occitània independenta e socialista, çò rapòrta NÒS.

 



 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mateu
9.

N'i a pro d'aquelas istòrias PJM! Mercé lo FPRO per aquesta bandairòla.

  • 6
  • 3
lo tipe d’a costat habile bill
8.

ne se passa pas arren despush 6 mès dens l’estat francés??n’as pas vist lo nivèth d’antagonisme a tolosa o bordèu? n’eras pas dens las manif dab la bandèra? tròp de gesticulacions vueitas? é bé qu’amusha plan lo tipe ! #5

  • 8
  • 0
Trufandier
7.

Ah ah ah

  • 2
  • 6
Julian
6.

L'ODPO qu ei la seguida legitima de Libertat, moviment entrat en transformacion en 2016 . Ne suffeish pas de tornar préner lo nom d un moviment qui n existeish pas mei entà s apoderar un locau, sòs e materiau qui deberén estar en las mans deus militants demorats fideus au vòte de Libertat e qui aplican los engatjaments pres colectivament en 2016. Quan èi vist qu'un militant de Libertat II sus facebook se trufava de l article sus aqueth beròi tribalh de l Ostau a Bordèu - qui muisha lo subersaut occitanista en aquera vila de Gasconha qui avem podut mesurar lo 1er de mai - mentre que'us calèva felicitar e encoratjar, que hè lèd. Lhèu tot çò qui s passa en dehòra deu barri deu hedas a Pau n ei pas pro interessant...
Lo mei important que de díser òsca l Ostau Occitan! Bordèu vila occitana!

  • 11
  • 5
pjm colha mola
5.

#2 de quin huèc de la luta e parlas, camarada ?

L'odpo es vaduda en critica a libertat, pffff, quina galejada ! Libertat es estada sabotada dempuish la debuta per quauques militants qu'an hèit hugir tots los autes, dinc a tornèssi dens lo vuit. Grands gèstes, gesticulacions, presas de pausicion shens nada reflexion, idèas e lubias que duran pas mei que duas setmanas. Quand atz quitat Libertat, es pr'amor èra roganhada dinc a la modena, dejà, èratz esmaliciats damb tots los autes fondators.

sabi pas çò qu'es una organizacion de massa, efectivament. pasmens me sui plan escarcanhat aqueth matin quand èi legit l'article.

  • 7
  • 11

Escriu un comentari sus aqueste article