Actualitats
Rugbi de XIII: Pentacosta es pas una fèsta catalana
Cèrtas dimenjadas, sabes pas perqué, la malasòrt te perseguís: de bruèissas s’ocupèron atal de tot çò qu’èra catalan e ensajava de jogar amb una palma ovala en aqueste temps de Pentacosta
Alan Roch
E una, e doas, e tres desfaitas catalanas a Brutus
Aqueste dimenge, l’estadi Brutus èra l’encastre de tres finalas.
En Copa Nitard, competicion dels juniors U-19, fàcia al Tolosa Olimpic, los catalans se trapèron en inferioritat numerica dins lo segond temps en causa d’un carton roge. Daissèron la victòria als tolosans: 46-36.
En finala del campionat femenin d’Elèit, las Divessas Catalanas recebián Tolosa-Ovalia. Las occitanas se mostrèron mai dinamicas, mai correiras, mai collectivas qu’un grop sang e aur que desirava privilegiar l’afrontament. Victòria e bloquièr per Tolosa: 32-8.
Veniá l’ora de la finala de la Copa Lòrd-Derby entre los Dragonets (anglicizats en “Babys” sul planchòt) e Carcassona-XIII.
Una passa al pè milimetrada a ras de pelena de Luc Franco menava a un ensag del capitani canari Escamilla al cap de tres minutas de jòc. L’alièr papó Garry Lo interceptava una palma e anava marcar entre los pals. Carcassona dominava, mas marcava pas. Al contrari, lo pilar blau (blau e roge, las colors d’origina de Sant Estève) Salabio puntava entre los pals (21a). Realisme maximal pels catalans que tornavan a 10-6.
Tre la represa, novèl ensag carcassonés per Clamenç Sobeiràs. Anava seguir una mièja orada de dominacion catalana. Los Canaris se multiplicavan en defensa amb abnegacion, volontat, solidaritat; perdián lo capitani que son genolh fasiá de las sieunas, perdián lo pilar Roanet assucat, mas tenián còp. Los catalans cerquèron de solucions individualas, de badas! A uèit minutas del tèrme, èra Tony Tumusa que se pagava un eslalòm de tria dins la defensa catalana per assegurar lo retorn de Dòna Copa a Carcassona: 22-6 (3 ensages dels 4 transformats per Alèxis Alberola).
Los sorires e los cants, las embraçadas e los còps sus las espatlas èran de mesa al retorn del trofèu jol tibanèl de Domèc.
Los Dragons en marrit estat
Aprèp l’eliminacion de la Cup, los Dragons tornavan en Anglatèrra per afrontar los segonds del classament, los Lops de Warrington. Los Sang e Aur marquèron los primièrs (ensag de Yaha), mas pleguèron a la mièja ora de jòc e los Lops se passejèron dins lo segond temps per véncer largament 34-4. La venguda de Londres dissabte a Brutus deuriá permètre als catalans de tornar prene vam e contunhar d’ocupar la tresena plaça al classament. Totun: los darrièrs, Londres, venon de batre los primièrs Saint Helens: 23-22!
Partidas sarradas a Hull KR ont Wigan ganha 19-18, a Castleford ont un tombat fa la diferéncia pels Tigres fàcia a Huddersfield 27-26; Hull FC bat de tres punts Salford 35-32 e Leeds se va impausar a Wakefield: 10-0.
Los tolosans aiman lo cambajon…
… e mai precisament lo cambajon d’York. Victòria dels occitans cò dels angleses: 25-18 e se confirma atal sa segonda plaça en Championship darrièr Toronto abans de reçaupre Swinton aqueste dissabte de vèspre a Blanhac.
Primièr episòdi per Queensland
La primièra confrontacion dels Estats d’Origina se teniá aqueste dimècres 5 de junh a Brisbane. Los Blaus de Nòvas Galas del Sud entamenèron plan la partida, mas pleguèron dins lo final: 18-14 per Queensland. La segonda partida, lo dimenge 23 de junh, se jogarà a Perth . Lo XIII partís a la conquista de l’Oèst australian.
Plaça al campionats
Aquesta dimenjada se debanaràn:
Lo 23 de junh, la finala dels juniors federals opausarà Carcassona (qu’elimina Carpentràs en mièja finala) a Illa (venceires de Selon de Provença). Las doas victòrias sus la meteissa marca: 36-22!
Alan Roch
Aqueste dimenge, l’estadi Brutus èra l’encastre de tres finalas.
En Copa Nitard, competicion dels juniors U-19, fàcia al Tolosa Olimpic, los catalans se trapèron en inferioritat numerica dins lo segond temps en causa d’un carton roge. Daissèron la victòria als tolosans: 46-36.
En finala del campionat femenin d’Elèit, las Divessas Catalanas recebián Tolosa-Ovalia. Las occitanas se mostrèron mai dinamicas, mai correiras, mai collectivas qu’un grop sang e aur que desirava privilegiar l’afrontament. Victòria e bloquièr per Tolosa: 32-8.
Veniá l’ora de la finala de la Copa Lòrd-Derby entre los Dragonets (anglicizats en “Babys” sul planchòt) e Carcassona-XIII.
Una passa al pè milimetrada a ras de pelena de Luc Franco menava a un ensag del capitani canari Escamilla al cap de tres minutas de jòc. L’alièr papó Garry Lo interceptava una palma e anava marcar entre los pals. Carcassona dominava, mas marcava pas. Al contrari, lo pilar blau (blau e roge, las colors d’origina de Sant Estève) Salabio puntava entre los pals (21a). Realisme maximal pels catalans que tornavan a 10-6.
Tre la represa, novèl ensag carcassonés per Clamenç Sobeiràs. Anava seguir una mièja orada de dominacion catalana. Los Canaris se multiplicavan en defensa amb abnegacion, volontat, solidaritat; perdián lo capitani que son genolh fasiá de las sieunas, perdián lo pilar Roanet assucat, mas tenián còp. Los catalans cerquèron de solucions individualas, de badas! A uèit minutas del tèrme, èra Tony Tumusa que se pagava un eslalòm de tria dins la defensa catalana per assegurar lo retorn de Dòna Copa a Carcassona: 22-6 (3 ensages dels 4 transformats per Alèxis Alberola).
Los sorires e los cants, las embraçadas e los còps sus las espatlas èran de mesa al retorn del trofèu jol tibanèl de Domèc.
Los Dragons en marrit estat
Aprèp l’eliminacion de la Cup, los Dragons tornavan en Anglatèrra per afrontar los segonds del classament, los Lops de Warrington. Los Sang e Aur marquèron los primièrs (ensag de Yaha), mas pleguèron a la mièja ora de jòc e los Lops se passejèron dins lo segond temps per véncer largament 34-4. La venguda de Londres dissabte a Brutus deuriá permètre als catalans de tornar prene vam e contunhar d’ocupar la tresena plaça al classament. Totun: los darrièrs, Londres, venon de batre los primièrs Saint Helens: 23-22!
Partidas sarradas a Hull KR ont Wigan ganha 19-18, a Castleford ont un tombat fa la diferéncia pels Tigres fàcia a Huddersfield 27-26; Hull FC bat de tres punts Salford 35-32 e Leeds se va impausar a Wakefield: 10-0.
Los tolosans aiman lo cambajon…
… e mai precisament lo cambajon d’York. Victòria dels occitans cò dels angleses: 25-18 e se confirma atal sa segonda plaça en Championship darrièr Toronto abans de reçaupre Swinton aqueste dissabte de vèspre a Blanhac.
Primièr episòdi per Queensland
La primièra confrontacion dels Estats d’Origina se teniá aqueste dimècres 5 de junh a Brisbane. Los Blaus de Nòvas Galas del Sud entamenèron plan la partida, mas pleguèron dins lo final: 18-14 per Queensland. La segonda partida, lo dimenge 23 de junh, se jogarà a Perth . Lo XIII partís a la conquista de l’Oèst australian.
Plaça al campionats
Aquesta dimenjada se debanaràn:
— los barratges d’Elèit 1: Lesinhan-Vilanòva e Limós-Albi.
— las mièjas finalas d’Elèit 2: Vilagalhenc-Argon reçauprà Carpentràs e dèrbi catalan Baó-Pià.
— las mièjas finalas d’Elèit 2: Vilagalhenc-Argon reçauprà Carpentràs e dèrbi catalan Baó-Pià.
Lo 23 de junh, la finala dels juniors federals opausarà Carcassona (qu’elimina Carpentràs en mièja finala) a Illa (venceires de Selon de Provença). Las doas victòrias sus la meteissa marca: 36-22!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari