Bandièra01 1180x150: Comuna de Tolosa

Actualitats

Manuel Valls poiriá èsser ministre dels afars estrangièrs espanhòl

Valls se seriá reünit amb de caps del PSÒE dins un restaurant de Madrid, après sa amb lo partit Ciutadans

L’èx-primièr ministre francés, Manuel Valls, ara conselhièr municipal de la comuna de Barcelona, poiriá venir ministre dels afars exteriors de l’estat espanhòl, segon d’informacions publicadas perMoncloa. Segon aquel jornal politic espanhòl, Valls auriá entamenat de negociacions amb lo Partit Socialista espanhòl (PSÒE). De son caire, Le Figaro precisa que las “posicions pròeuropèas e antiindependentistas” de Valls “plairián als dirigents del PSÒE, mas [que] sa renomenada en Euròpa poiriá far ombra al primièr ministre, Pedro Sánchez”.
 
Valls se seriá reünit amb de caps del PSÒE dins un restaurant de Madrid, après sa rompedura amb lo partit Ciutadans, amb lo qual l’èx-primièr ministre francés s’èra presentat al Conselh Municipal de Barcelona.
 
Ciutadans rompèt sas relacions amb Valls après qu’aqueste aguèt votat en favor de l’investidura d’Ada Colau coma consolessa màger de Barcelona. Valls reagiguèt en disent que lo partit espanholista èra “irresponsable” e critiquèt lors paches amb l’ultradrecha de Vox. “Ciutadans èra abans un partit liberal”, çò diguèt Valls en precisar que “pacha ara amb una formacion reaccionària e antieuropèa”.
 
Ara, lo primièr ministre espanhòl Pedro Sánchez ten lo nom de Manuel Valls coma un possible candidat al pòst de ministre dels afars exteriors, après que Josep Borrell es estat elegit eurodeputat. Per Sánchez, aquò poiriá èsser un gèst de simpatia envèrs los liberals en Euròpa, amb los quals a ja entamenat de contactes.

 
 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Chamberlain
8.

Darrièra minuta: Borrell s'arrapa coma un pesolh al pòst. A renonciat a sa plaça de deputat europenc. Se se podián fotre de carpans aqueles dos, seriáun espectacle plasent !

  • 4
  • 0
francesc palma
7.

Pareis una cartelhera de pel·licula massoquista d'aquestas tan ravas que mos solen donar pel cinema e la tele: Lo pus dolent encara està per arribar.

  • 4
  • 0
Trinitat
6.

#5 Òc…

  • 5
  • 0
Guilhèm Thomas Tolosa
5.

#4 Valls seriá l'agent Johnson ? Un bug dins la matriça capable de prene la plaça de qu'un que siá ?

  • 7
  • 0
Morfèus Sion
4.

#3 Car Neo, plan vengut dins lo mond real !…

  • 6
  • 0

Escriu un comentari sus aqueste article