Bandièra01 1180x150: Comuna de Tolosa

Actualitats

Estrasborg: dètz mila manifestants davant lo Parlament Europèu en sosten als independentistas catalans elegits

L’eurocambra faguèt ièr la primièra sesilha de sa 9a legislatura amb l’abséncia de Puigdemont, Junqueras e Comín

| ANC
Lo Parlament Europèu comencèt ièr solemnament la primièra sesilha de sa novena legislatura marcada per l’abséncia dels tres eurodeputats independentistas catalans elegits e per la protèsta d’unes dètz mila catalans davant lo sèti principal de l’eurocambra a Estrasborg (Alsàcia). Uèi se tendrà l’eleccion del nòu president d’aquel parlament, elegit pel vòte dirècte dels ciutadans dels 28 estats de l’Union Europèa.
 
L’abséncia de Carles Puigdemont e Toni Comin, en exili, e d’Oriol Junqueras, en preson, marquèt la brèva sesilha que, en mai del president en foncions, Antonio Tajani, comprenguèt una sola intervencion, la del deputat irlandés del Sinn Féin Matt Carthy, que la faguèt justament per protestar d’aquela abséncia, que lèva de legitimitat a l’eurocambra. “Aquesta cambra deu luchar pels dreches umans e deu poder escotar la votz del pòble de Catalonha”, çò diguèt.
 
 
 
10 000 manifestants
 
Davant lo parlament environ 10 000 personas manifestavan en seguida de la crida facha per l’Assemblada Nacionala Catalana. Jos lo lèma “Empliscam Estrasborg”, los manifestants revendiquèron lo drech dels elegits catalans en preson o en exili de prene possession de lors sètis a l’èurocambra. Los manifestants èran sostenguts pels alsacians d’Unser Land.
 
E mai se Puigdemont, Junqueras e Comín sián estats elegits per las urnas, lo Conselh Electoral d’Espanha a decidit de los nomenar pas. A mai, la Cort Generala de Justícia de l’UE refusèt diluns passat, d’aplicar de mesuras de precaucion contra aquela decision del govèrn d’Espanha.
 
Puigdemont e Comín èran anats fins en Alsàcia, mas demorèron del costat alemand, a Kehl, a tres quilomètres d’Estrasborg. Al darrièr moment renoncièron de traversar la frontièra politica davant lo risc d’èsser detenguts. Sembla que l’estat espanhòl aviá mobilizat d’efectius policièrs en Alsàcia en voler profechar d’un protocòl aviat en 2002 entre los estats espanhòl e francés en relacion amb los membres d’ÈTA. Aquel protocòl auriá permés a la polícia espanhòla d’arrestar los exiliats e de los menar en Espanha sens besonh de passar per la justícia francesa.



 
D’autras protèstas
 
Dins la sesilha de l’eurocambra se tenguèron d’autras protèstas. D’un caire, los deputats britanics europeïstas èran vestits de jaune per revendicar que s’arrestèsse lo Brexit. D’autre latz, los deputats eurofòbs virèron l’esquina quand sonèt l’imne de l’UE.
 
En mai d’aquò, qualques deputats europèus protestèron contra la detencion de la capitanessa del Sea Watch, arrestada en Itàlia après aver salvat de migrants en Mediterranèa.
 
 
 



 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
10.

els fatxes mai n'apendran, sempre dient lo pitjor el que pot fer mes mal, però el mal se'l fan a ells demostrant al Mon lo estúpids que son. I en son molt.
!0.000 o molts mes, perquè som una gernació que ho volem, i ells no passen de Paquito, i de les seves tonteries, que no entenc com no veuen el que son, o potser si!? Qui sap son tant ruecs!
Visca la Terra...Lliure!
L'Ernest, "El Tàrrega".

  • 0
  • 0
Maulet
9.

#8 Los "blaveros" son de sortida! Las messorgas tanben.

(Per l'occitan qu'o sap pas, Blaveros, en bon valencian, son los que lèpan lo cuol a Madrid, los que metèron de bombas a cò d'intellectuals de tria coma Joan Fuster o Manuel Sanchis Guarner per exemple.)

  • 15
  • 0
carles paisos valencians
8.

#2
Puigdemont abandona a los manifestantes en Estrasburgo por miedo a ser detenido
Unos 4.000 independentistas se concentran frente a la sede de la Eurocámara en apoyos de Junqueras, Comín y el ex presidente de la Generalitat
La ANC organizó una manifestación en las calles de Estrasburgo

10.000 per favor, no manipuleu a la gent.....

l'independentisme és desumfla a poc a poc i europa li dóna l'esquena

  • 1
  • 19
Artur Bacion Geispolsheim-gare
7.

Ieu tanben i demòri a Estrasborg. Linha E del tram estancat al Wacken, impossible d'anar mai luenh e de baissar als Drets de l'òme, la mèrda. Portavan tot plen de bandèras esteladas, pas cap de bandèra europèa, semblavan a soportaires d'una esquipa de fotbòl o a populistas nacionalistas a l'estile Front Nacional version catalana. Me fasián pena!.

  • 6
  • 15
Joan Francés Blanc Estrasborg
6.

#2 I èri, al passa carrièra. 10000 es çò que ditz la polícia francesa (e la premsa locala), que sempre a minorats los nombres. Se vos agrada pas la democracia, vos podètz mudar a Madrid...

  • 18
  • 7

Escriu un comentari sus aqueste article