Bandièra01 1180x150: Comuna de Tolosa

Actualitats

Hawaii: protèsta contra la bastison d’un autre telescòpi sus un endrech sagrat

Segon lo movement autoctòn, contunhar de bastir sul som d'aquel volcan es una ataca contra las cresenças e l’identitat del pòble autoctòn de l’archipèla

Lo movement autoctòn hawaian protèsta dempuèi mai d’una setmana contra la bastison d’un telescòpi sus la cima del volcan Mauna Kea, çò rapòrta Nationalia. Los qualques milièrs de manifestants an installat un campament e tanben an manifestat dins lo quartièr Waikiki d’Honolulu. Refusan l’installacion d’un autre telescòpi dins lo sit d’observatòris a aquel endrech, que segon la tradicion del pòble hawaiian, es sagrat.
 
Segon lo movement hawaiianista, d’efièch, contunhar de bastir sul som d’aquel volcan es una ataca contra las cresenças e l’identitat del pòble autoctòn de l’archipèla.
 
Lo governador de l’estat d’Hawaii, David Y. Ige, a declarat l’estat d’emergéncia sus la montanha per i garentir la “seguretat” e permetre la construccion del telescòpi.
 
Las protèstas comencèron fa cinc ans, quand s'entamenèt los trabalhs de bastison, que demorèron paralisats après qualques meses.

 
 
 

 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article