Actualitats
L’Open Arms a pogut desembarcar los darrièrs 83 migrants que demoravan
Atal es acabada una espèra de dètz e nòu jorns per poder acostar dins un pòrt segur e ofrir una atencion a las personas socorregudas en Mediterranèa
Lo naviri umanitari catalan Open Arms a pogut enfin desembarcar los 83 migrants que demoravan a bòrd après una cachavièlha de 19 jorns. Lo desembarcament se faguèt dins la nuèch de dimars a dimècres sul cai comercial del pòrt de la Lampedosa davant una granda espèra. Lo mond que los esperavan sul pòrt cantèron l’imne antifaissista Bella Ciao per los aculhir. Los mai d’ochanta migrants, d’un total de 160 socorreguts pel naviri dins las darrièras setmanas, los an menats provisòriament dins un centre d’aculhença. Ara lo naviri es partit vèrs Sicília ont la justícia italiana li a ordenat una confiscacion temporària.
Aquela darrièra operacion de l’Open Arms a salvat un total de 160 personas. Al començament d’agost trobèron una barca amb 52 migrants. Aquel meteis jorn ne trobèron una autra amb 69 personas dont dos enfants e doas femnas prenses. Dempuèi alavetz, an pogut evacuar del vaissèl divèrses menors e personas amb de besonhs sanitaris urgents. En mai d’aquò, dins las darrièras oras desesperantas que lo naviri èra davant la Lampedosa, qualques migrants sautèron dins l’aiga en ensajar d’arribar a l’illa. Foguèron socorreguts pus tard.
La principala complicacion que l’a patida l’Open Arms es que se podiá pas amarrar dins cap de pòrt segur car Malta e Itàlia o refusèron. Enfin, dins lo tretzen jorn, un tribunal italian decidiguèt de levar l’enebicion d’intrar dins las aigas italianas. Dempuèi aquel 14 d’agost, lo naviri esperava l’autorizacion per desembarcar, mas lo ministre italian Matteo Salvini, en plena crisi de govèrn e campanha politica, a ensajat d’o empedir per totes los mejans.
Enfin, aqueste dimars passat, 20 d’agost, un procuraire de Sicília a verificat la situacion d’extrèma urgéncia de la nau e n’ordenat lo desembarcament.
Qualques oras abans, un naviri de la marina espanhòla èra partit de Malhòrca per prene los migrants e los menar fins a Palma. La còla de l’Open Arms a plangut que lo govèrn espanhòl aja reagit talament tard e que lo president del govèrn, Pedro Sánchez, prepausèsse talament tard lo pòrt d’Algeciras quand i aviá pas pus de temps material per i arribar.
Aquela darrièra operacion de l’Open Arms a salvat un total de 160 personas. Al començament d’agost trobèron una barca amb 52 migrants. Aquel meteis jorn ne trobèron una autra amb 69 personas dont dos enfants e doas femnas prenses. Dempuèi alavetz, an pogut evacuar del vaissèl divèrses menors e personas amb de besonhs sanitaris urgents. En mai d’aquò, dins las darrièras oras desesperantas que lo naviri èra davant la Lampedosa, qualques migrants sautèron dins l’aiga en ensajar d’arribar a l’illa. Foguèron socorreguts pus tard.
La principala complicacion que l’a patida l’Open Arms es que se podiá pas amarrar dins cap de pòrt segur car Malta e Itàlia o refusèron. Enfin, dins lo tretzen jorn, un tribunal italian decidiguèt de levar l’enebicion d’intrar dins las aigas italianas. Dempuèi aquel 14 d’agost, lo naviri esperava l’autorizacion per desembarcar, mas lo ministre italian Matteo Salvini, en plena crisi de govèrn e campanha politica, a ensajat d’o empedir per totes los mejans.
Enfin, aqueste dimars passat, 20 d’agost, un procuraire de Sicília a verificat la situacion d’extrèma urgéncia de la nau e n’ordenat lo desembarcament.
Qualques oras abans, un naviri de la marina espanhòla èra partit de Malhòrca per prene los migrants e los menar fins a Palma. La còla de l’Open Arms a plangut que lo govèrn espanhòl aja reagit talament tard e que lo president del govèrn, Pedro Sánchez, prepausèsse talament tard lo pòrt d’Algeciras quand i aviá pas pus de temps material per i arribar.
Rebuda a Lampedusa del #OpenArms amb cants del Bella Ciao. pic.twitter.com/3UNHjHgh2f
— Rai López Calvet (@RaiLopezCalvet) August 21, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari