Actualitats
Turquia justifica la detencion d’elegits curds amb l’argument qu’Espanha o fa amb los catalans
Dins un rescontre amb los mèdias, lo ministre de l’Interior a remarcada la persecucion d’Espanha contra los elegits independentistas catalans
Raportàvem dimècres passat que Turquia aviá remplaçats e detenguts tres cònsols màgers de tres vilas de Curdistan: Amed, Mêrdin e Wan (en turc Diyarbakır, Mardin e Van). Los edils tanben son acusats de far partida del PKK e mai de n’aver facha la propaganda, çò aviá anonciat lo ministre turc de l’Interior, Süleyman Soylu. A mai, Soylu o justifica ara en disent qu’Espanha tanben arrèsta los elegits catalans.
“E mai i aja pas agut cap d’acte violent, dotze elegits catalans son estats jutjats per de delictes de destruccion de l’òrdre constitucional per violéncia e desobesissença”, çò diguèt Soylu dins un rescontre amb de jornalistas, coma o rapòrta The Independent.
Durant aquela conferéncia amb los mèdias, Soylu precisèt tanben que la decision del president Recep Tayyip Erdoğan èra “un pas legalament justificat” per entraversar lo camin del PKK, qu’es dins una lista d’organizacions terroristas.
“E mai i aja pas agut cap d’acte violent, dotze elegits catalans son estats jutjats per de delictes de destruccion de l’òrdre constitucional per violéncia e desobesissença”, çò diguèt Soylu dins un rescontre amb de jornalistas, coma o rapòrta The Independent.
Durant aquela conferéncia amb los mèdias, Soylu precisèt tanben que la decision del president Recep Tayyip Erdoğan èra “un pas legalament justificat” per entraversar lo camin del PKK, qu’es dins una lista d’organizacions terroristas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Soft dictatura ? Soft… Me demandi se los ciutadans catalans venguts votar lo jorn negre del 1er d'octòbre l'auràn trobada "soft", a còps de barra pel cap, aqueste fotuda dictatura… E tanpan sos preisonièrs politics !
Efectivament ,es mai o manco aital. Efectivament los Curds volen la libertat tamben.
L'Europa maastrichtiana que dins sa megalomania fierota clama a la fàcia del mond qu'es lo lum exemplari de la democracia dèu èsser tras qu'encantada de veire Turquia prène atal modèla sus èla !
Pas estonant, Espanha es un modèl en softdictatura (en castelhan "dictablanda") qu'es çò qu'a mai de succés ara que l'autoritarisme faissista.
Espanya ja s'ha convertit en un bon exemple per a Turquia...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari