CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Actualitats

Divendres, 30 d'agost de 2019, 03h00 Cultura,Lenga

Lengadòc > Lengadòc Bas

Aude: la lenga se canta, s’escriu, se conta…


Comentaris 4 comentaris    
Marrit Flac Bon Plan bon Fabulós (4 vòtes)
carregant En cargar


Setembre, temps de rintrada: aquò es plan una vertat pels rendètz-vos culturals prepausats en país d’Aude aqueste mes e a la debuta d’octòbre, una bona lançada per la sason 2019-2020 entre cants (festenal polifonic de la nauta val d’Aude), escritura e conferéncias (los 4 Dijòus-Escritura), lo conte e la reflexion (Jornadas dels Companhs de Paratge) e lo teatre (Mais où est passée ma vigne?).


L’aficha del Festenal de Polifonias

Rescontre consacrat als poètas contemporanèus de las lengas de França lo dijòus 26 de setembre a l’Ostal Sirventés (Carcassona) amb Maria-Joana Verny

Daniel L’Homond contarà lo 4 d’octobre a Cavanac

L’aficha de Mais où est passée ma vigne ?





Etiquetas
aude, cultura, eveniments, lenga, roch

Se canta... en nauta val d’Aude
 
Coma cada an, lo grop vocal d’Esperasan, lo GESPPE , prepausa un programa de tria pel Festenal de Polifonias en nauta val d’Aude, amb de recitals plan occitanizats ongan.
 
La dobertura se debanarà aqueste divendres 30 d’agost en la glèisa de Rovenac amb lo trio Albada que vòl establir de ligams entre ièr e uèi. Pascal Caumont, membre del grop, animarà un estagi de cant (ja complet) lo dissabte 31 d’agost a Esperasan. En serada, a l’Espaci Catar de Quilhan, lo grop lengadocian Lo Barrut serà sus l’empont amb son repertòri de composicions originalas.
 
Lo festenal tornarà prene d’ample per la fin de la setmana seguenta, amb doas seradas e una vesprada:
 

— lo divendres 6, a 21h, a Sant Ferriòl, concèrt de Belugueta, un grop jove amb sa polifonia progressiva e qu’a tanben l’objectiu de tornar inventar la tradicion,
 
— lo dissabte, dobertura cap a l’Èst a 21h, a Campanhan d’Aude amb lo grop rus Kouban, per la nostalgia del Còr de l’Armada Roja,
 
— lo dimenge 8, coma de costuma lo final se debanarà en la glèisa d’Esperasan a 4 oras del vèspre amb lo GESPPE e lo Còr dels Òmes (Corbièras). (Las sesilhas: 10 èuros. Recital d’Esperasan: a res-non-còst)
 
 
Rescontres amb l’escrit occitan
 
En aqueste mes de setembre, l’IEO-Aude vos convida a quatre rendètz-vos consacrats a l’escritura occitana: poesia, pròsa, jornalisme, reflexion. Los rescontres se debanaràn a l’Ostal Sirventés (79, la Trivala a Carcassona), los dijòus a 6 e mièja del vèspre (dintrada liura).
 
Primièr rendètz-vos lo dijòus 5 septembre amb Ramon Ginolhac qu’a coordenat l’edicion de Còr d’Occitània, una antologia dels autors occitans de Tarn (romans, novèlas, poèmas, cançons...) de 1882, annada de la venguda de Frederic Mistral a Albi, fins ara. Atal, un centenat d’autors, femnas e òmes, son presentats.
 
Segond rendètz-vos lo dijòus 12 de setembre amb Estefan Linou que ven de publicar Résilience alimentaire et sécurité nationale per noirir la discussion sus la necessitat dels circuits corts e tanben sus la redescobèrta necessària dels sabers populars perduts en s’apiejant sus son experiéncia “locavòra”.
 
Tresen rendètz-vos lo dijòus 19 de setembre amb Ferriòl Macip, animator, dempuèi 7 ans e dempuèi Barcelona, lo jornal quotidian en occitan sul Net: Jornalet. L’escasença de faire lo punt sus la premsa occitana d’informacion e d’opinion e sus sas perspectivas.
 
Lo dijòus 26 de setembre, Maria-Joana Verny vendrà parlar de la poesia contemporanèa dins las lengas de França (alsacian, basc, breton, catalan, còrs e occitan) en s’apiejant sul libre Par tous les chemins, un florilègi de textes qu’a recampats amb lo poèta còrs Norbert Paganelli.
 
 
Los arbres e nosautres
 
A la debuta d’octòbre, los Companhs de Paratge e l’IEO-Aude organizan dos rendètz-vos sul tèma de l’arbre, un subjècte que se trapa d’actualitat amb los questionaments sus las biodiversitat e los incendis qu’an tocat Corbièras coma Amazonia.
 
Lo divendres 4 d’octòbre, a Cavanac (20h30, sala de las fèstas), lo contaire de Peiregòrd Danièl L’Homond contarà Parfois les arbres, ont met endavant las relacions estreitas entre l’uman e lo vegetal.
 
L’endeman dissabte 5 d’octòbre, es dins l’abadiá de Sant Ilari que los Companhs de Paratge convidan a lor jornada annala de reflexion: Josiana Ubaud parlarà dels arbres-totèm; Miquèla Stenta de la plaça dels arbres dins l’imaginari de Lemosin (Marcela Delpastre, Micheu Chapduelh; …); Eric Fabre tornarà sul comèrci de la fusta als sègles XVII e XVIII en Aude; i aurà tanben un agach sus l’actualitat silvèstra locala e mondiala. Dins aquesta jornada ont las questions se veson jols angles istoric, etnologic, ecologic, economic, social…
 
 
Quina viticultura deman?
 
La pèça de la Companhiá Gargamèla Mais où est passée ma vigne ? serà presentada lo dimenge 13 d’octòbre, a 5 oras del vèspre, al… Teatre dins las Vinhas (Cornèsa-Confolens) . La pèça, escrita per Anneta Clément, vira a la discussion entre un paire que vòl vendre las darrièras tèrras e sa filha que las vòl gardar e se convertir a l’agricultura biologica. L’occitan es present dins los dialògs e per las cançons del trio Perrina Alranq, Isabèla François e Joan Hebrard.
 
E apuèi…
 
E apuèi serà temps de preparar (e de prene part a):
 
— la Setmana de las Sabors a Puègnautièr (12-15 de novembre) consacrada a las leguminosas;
 
— la Setmana occitana de Saissac (18-23 de novembre) amb la conferéncia teatralizada del Teatre de las Originas, "Lo PCI, qu’es aquò?" (dijòus 21) e un balèti amb Castanha e Vinovèl (dissabte 23).
 
— E en decembre, vendrà lo Temps de Nadal a l’Ostal Sirventés (Carcassona)…
 
 
 
 
Alan Roch
 
 
 
 

 



publicitat
BANER1-2-3: DGPL TRADUCTOR



Comentaris

31 d'agost 23.28h

Un bon programa d'actes per reivindicar la cultra occitana, la cultura e la lenga ereva dels trobadors. Urrà !


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

30 d'agost 21.41h

Aprofièchi l'escasença per vos anonciar qu'arribam als 2380 èuros! Sèm pas luènh de la tòca dels 3000: un brave mercé a totes!


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

30 d'agost 17.10h

#1 I a mai d'una possibilitat:

1) Podètz pagar per Paypal dirèctament a l'associacion que gerís Jornalet (l'ADÒC, mas Paypal se pren una pichona comission) : https://www.jornalet.com//pagina/9909/far-un-don (pagina vesidoira a "Fasètz un don" a l'intrada del sit)
2) podètz seguir la dicha pagina, e mandar un messatge, e vos donarem las informacions bancàrias dels Amics de Jornalet per un transferiment; tanben las podètz obténer en escrivent dirèctament a Terric Lausa o a ieu (https:/... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

30 d'agost 11.41h

Campanha de finançament, òc ben, piqui suu rectangle, arribi a una pagina FB (après connexion au men compte) e... arren concretament. On mandar sòus, PayPal ? corric ? adreça postala ? Non me vòli passar lo temps a deschifrar las indicas o a laberintejar. Fau hèser mei simple...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 32
  • sol Aush 31
  • sol Bordèu 31
  • sol Briançon 26
  • sol Caors 33
  • sol Carcassona 30
  • sol Clarmont-Ferrand 31
  • sol Confolent 31
  • sol Gap 26
  • sol La Canau 32
  • sol La Gàrdia 29
  • sol Limòtges 32
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 28
  • sol Niça 26
  • sol Nimes 32
  • sol Pau 29
  • sol Peireguers 33
  • sol Rodés 31
  • sol Tolon 31
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Mónegue

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Gavotina marítima: trofèu d'August e vila vielha d'A Torbia

  • © Zep Armentano

    Era Mongetada (Val d'Aran 28-29 d'octobre 2017)

  • País de Rasés. © Franc Bardòu

    País de Rasés

  • © Aure Séguier

    Carnaval Biarnés 2017

  • Minecraft en version occitana

  • © Laurenç Revèst

    Fòrt Maginòt de Sant Anhe

  • © Franc Bardòu

    Asuèlhs Bigordans

  • © Aure Séguier

    Carnaval Biarnés 2017

  • X. Moral

    Manifestacion "Er aranés, era nòsta identitat". Vielha 24 de març 2018

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • © Laurenç Revèst

    Fòrt Maginòt de Sant Anhe

  • Coserans: Sent Líser, Casavèth, Sent Guironç, Saurat...

  • Montpelhièr. © Patrici Baccou

    Campanada d'alarma sus la situacion catastrofica ont se tròban la lenga e la cultura occitanas

  • © Aure Séguier

    Carnaval Biarnés 2017

  • País de Rasés. © Franc Bardòu

    País de Rasés

  • © Laurenç Revèst

    Fòrt Maginòt de Sant Anhe

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)