Actualitats
Rugbi de XIII: lo sòmi fòl de Tolosa
Lo dissabte del XIII nos a tornat jogar un episòdi novèl de Tolosa que ritz, catalans que ploran
Alan RochObjectiu Superliga pel Tolosa Olimpic
En prepausant un jòc dubèrt e dinamic, lo Tolosa Olimpic a batut la formacion de Dewsbury aqueste dissabte a Blanhac: 42-14. Una victòria que lor permet de servar la segonda plaça del Championship. Per i demorar, serà indispensable e pas aisit d'anar ganhar dissabte a Featherstone per la darrièra jornada de la fasa de classament. Puèi, plaça a las pelhòfas amb cinc formacions (Toronto, Tolosa, York, Leigh e Featherstone) per una sola montada. Los canadians de Toronto son los espauragals de l'afar, mas demòra la vertat del terren. Tolosa es plan en dreit de se dire: “Perqué pas?”
Dragons: que la sason s'acabe lèu
Per contra, vesprada plan tristoneta pels sostens des Dracs a Brutus. Amb la victòria dijòus de Salford sus Warrington 22-6, se sabiá que la qualificacion deveniá quasi impossibla pels Dragons. Demorava la volontat de saludar lo public pels darrièrs moments de Greg Bird (retirada esportiva) e Tòni Gigòt (contracte non renovelat) en sang e aur. Fàcia a Hull KR, los catalans prepausèron un jòc plan tristonet que permetèt als angleses de ganhar 24-6: seisena desfaita de la sason sus lor pelena pels catalans. Doas partidas per acabar la sason: direccion Wigan e Huddersfield, amb lo moral al fons de las caucetas e abans una seriosa e necessària remesa en question.
St Helens s'es remés de sa desfaita en Cup amb una corta victòria 4-0 fàcia a Castleford; Londres, batut per Leeds, 10-36 vei la perspectiva de la davalada en Championship se precisar. Mercé a sa victòria a Wakefield 24-16, Wigan profita de la desfaita d'Hull FC (batut a domicili per Huddersfield 12-22) per prene la segonda plaça al classament.
NRL: qual serà lo 8n qualificat?
En NRL (www.nrl.com ), se jogarà lo darrièr torn de la fasa de classament. Melbourne, los Polets e Canberra son a las primièras 3 plaças. La quatrena plaça, importanta en rason del sistèma de las pelhòfas, es en balança entre los Lapinons e Manly. Parramatta serà qualificat. Son encara tres per las darrièras doas plaças qualificativas: Brisbane (venceire al punt en aur de Parramatta: 17-16), las Làmias de Cronulla e los Tigres. Se los Lapinons reçaupràn los Polets dins un dèrbi de Sydney tre dijòus, dimenge per una partida decisiva los Tigres reçaupràn las Làmias! Se trapa d'amators de suspens dins los responsables del calendièr australian!
Alan Roch
En prepausant un jòc dubèrt e dinamic, lo Tolosa Olimpic a batut la formacion de Dewsbury aqueste dissabte a Blanhac: 42-14. Una victòria que lor permet de servar la segonda plaça del Championship. Per i demorar, serà indispensable e pas aisit d'anar ganhar dissabte a Featherstone per la darrièra jornada de la fasa de classament. Puèi, plaça a las pelhòfas amb cinc formacions (Toronto, Tolosa, York, Leigh e Featherstone) per una sola montada. Los canadians de Toronto son los espauragals de l'afar, mas demòra la vertat del terren. Tolosa es plan en dreit de se dire: “Perqué pas?”
Dragons: que la sason s'acabe lèu
Per contra, vesprada plan tristoneta pels sostens des Dracs a Brutus. Amb la victòria dijòus de Salford sus Warrington 22-6, se sabiá que la qualificacion deveniá quasi impossibla pels Dragons. Demorava la volontat de saludar lo public pels darrièrs moments de Greg Bird (retirada esportiva) e Tòni Gigòt (contracte non renovelat) en sang e aur. Fàcia a Hull KR, los catalans prepausèron un jòc plan tristonet que permetèt als angleses de ganhar 24-6: seisena desfaita de la sason sus lor pelena pels catalans. Doas partidas per acabar la sason: direccion Wigan e Huddersfield, amb lo moral al fons de las caucetas e abans una seriosa e necessària remesa en question.
St Helens s'es remés de sa desfaita en Cup amb una corta victòria 4-0 fàcia a Castleford; Londres, batut per Leeds, 10-36 vei la perspectiva de la davalada en Championship se precisar. Mercé a sa victòria a Wakefield 24-16, Wigan profita de la desfaita d'Hull FC (batut a domicili per Huddersfield 12-22) per prene la segonda plaça al classament.
NRL: qual serà lo 8n qualificat?
En NRL (www.nrl.com ), se jogarà lo darrièr torn de la fasa de classament. Melbourne, los Polets e Canberra son a las primièras 3 plaças. La quatrena plaça, importanta en rason del sistèma de las pelhòfas, es en balança entre los Lapinons e Manly. Parramatta serà qualificat. Son encara tres per las darrièras doas plaças qualificativas: Brisbane (venceire al punt en aur de Parramatta: 17-16), las Làmias de Cronulla e los Tigres. Se los Lapinons reçaupràn los Polets dins un dèrbi de Sydney tre dijòus, dimenge per una partida decisiva los Tigres reçaupràn las Làmias! Se trapa d'amators de suspens dins los responsables del calendièr australian!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari