Actualitats
Un tribunal turc ordena la liberacion de Demirtaş
Ça que la, l’elegit curd restarà embarrat. E mai la justícia considère que deu èsser mes en libertat per terrorisme, i a un autre jutjament e una autra senténcia per un afar de propaganda
Un tribunal penal d’Ankara a decidit aqueste diluns passat la liberacion de l’èx-president del Partit Democratic del Pòble (HDP), Selahattin Demirtaş, çò anoncièt son avocat. Demirtaş es encarcerat dempuèi novembre de 2016 jos l’acusacion de terrorisme. Ça que la, l’elegit demorarà en preson, car un tribunal d’Istambol aprovèt una pena de quatre ans e uèch meses de preson en decembre de 2018 per un autre delicte mens grèu. Atal, e mai la justícia considère que deu èsser mes en libertat pel supausat delicte de terrorisme, i a un autre jutjament e una autra senténcia per propaganda terrorista que garentís son embarrament pendent quatre ans.
La decision del tribunal d’Ankara es arribada après que la Cort Europèa dels Dreches Umans (CÈDU) a exigit pel segond còp la liberacion del deputat curd.
Fa gaire, la CÈDU emetèt un posicionament public que considerava que la senténcia d’un tribunal turc contra Selahattin Demirtaş a causa dels comentaris que faguèt dins una emission de television son una violacion de la libertat d’expression. Los jutges d’Estrasborg estiman que los comentaris de Demirtaş pòdon pas èsser considerats coma una incitacion a la violéncia, a la resisténcia armada ni a la rebellion, e quitament pas coma un discors d’òdi. L’elegit curd revendiquèt lo ròtle que lo poiriá aver Abdullah Öcalan, cap empresonat del PKK, dins la resolucion pacifica de la causa curda.
Demirtaş lo detenguèron en novembre del 2016, amb Figen Yüksekdağ, un autre cap de l’HDP, e es acusat de collaboracion amb una banda armada e de propaganda en favor d’una organizacion terrorista. Lo ministèri public turc acusava los dos òmes d’èsser dirèctament restacats a las milícias del PKK. A mai, Demirtaş l’acusèron de difusar de propaganda per sa participacion per telefòn a un programa de television coma president de l’Associacion dels Dreches Umans e pòrtavotz de la Plataforma Democratica d’Amed (en turc Diyarbakır).
La CÈDU reclamèt ja en novembre de 2018 la liberacion de Demirtaş, qu’alavetz se trobava en situacion de preson preventiva dempuèi mai de dos ans.
La decision del tribunal d’Ankara es arribada après que la Cort Europèa dels Dreches Umans (CÈDU) a exigit pel segond còp la liberacion del deputat curd.
Fa gaire, la CÈDU emetèt un posicionament public que considerava que la senténcia d’un tribunal turc contra Selahattin Demirtaş a causa dels comentaris que faguèt dins una emission de television son una violacion de la libertat d’expression. Los jutges d’Estrasborg estiman que los comentaris de Demirtaş pòdon pas èsser considerats coma una incitacion a la violéncia, a la resisténcia armada ni a la rebellion, e quitament pas coma un discors d’òdi. L’elegit curd revendiquèt lo ròtle que lo poiriá aver Abdullah Öcalan, cap empresonat del PKK, dins la resolucion pacifica de la causa curda.
Demirtaş lo detenguèron en novembre del 2016, amb Figen Yüksekdağ, un autre cap de l’HDP, e es acusat de collaboracion amb una banda armada e de propaganda en favor d’una organizacion terrorista. Lo ministèri public turc acusava los dos òmes d’èsser dirèctament restacats a las milícias del PKK. A mai, Demirtaş l’acusèron de difusar de propaganda per sa participacion per telefòn a un programa de television coma president de l’Associacion dels Dreches Umans e pòrtavotz de la Plataforma Democratica d’Amed (en turc Diyarbakır).
La CÈDU reclamèt ja en novembre de 2018 la liberacion de Demirtaş, qu’alavetz se trobava en situacion de preson preventiva dempuèi mai de dos ans.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Èsser mes en libertat per terrorisme ? Me demandi se vos sètz legits… Pas estonant, se que non, qu'Erdogan siá en libertat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari