Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Lo sol manuscrit conegut del Roman de Flamenca es ara en linha

Aquel roman anonim del sègle XIII, una de las òbras pus importantas de la literatura occitana, conta l’istòria d’una femna que se marida amb un òme gelós

Lo sol manuscrit conegut  del Roman de Flamencase pòt ara consultar en linha sul sit de las mediatècas de Carcassona Agglo. Aquel roman anonim del sègle XIII es una de las òbras pus importantas de la literatura occitana. Conta l’istòria d’una femna que se marida amb un òme gelós, e aquel “amor escur” romp l’estima de se de la femna e emplís de misèria sa vida. Enfin, lo roman anóncia amb qualques sègles d'avança l’autonomizacion de la femna, que recobra lo poder sus ela meteissa.
 
Aquel roman inspirèt la coneguda cantadora catalana Rosalía per son reüssit album El Mal Querer.
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
3.

Genhèc!!!!! Mercés per l'informacion!!!!

  • 2
  • 0
Franc Bardòu
2.

E degun non a pas jamai estudiat ni valorizat tan plan coma Renat Nelli, d'un punt de vista civilizacional e antropologic, aqueste cap d'òbra universal, mentre que son estudi indefugible "Le Roman de Flamenca, un art d'aimer occitanien au XIIIe siècle" non apareis quitament pas dins la bibliografia recomandada als candidats a l'agregacion d'occitan !

  • 8
  • 0
Pitaluga
1.

"Flamenca" es una òbra màger de l'Edat Mejana, pas solament occitana.
Una òbra qu'escapa encara a la morala de la Glèisa, abans que la negra terror inquisitoriala s'abatèsse sus Euròpa tota.
Avèm passat d'annadas que se trapava pas enluòc per la crompar, çò qu'èra un vertadièr escande. Enfin, dempuèi qualques annadas es disponibla dins "Les Lettres gothiques".
Òsca a las mediatecas de Carcassona d'aver mes lo manescrich en linha!

  • 17
  • 0

Escriu un comentari sus aqueste article