Bandièra01 1180x150: Comuna de Tolosa

Actualitats

Catherine Grèze: “Aurore Martin apèla a la continuacion del procès de patz”

Aurore Martin
Aurore Martin | kazeta.info

Tèxte legit

Empresonada a Madrid (Espanha), Aurore Martin fa una crida “mai que jamai a la continuacion del procès de patz”, çò diguèron Catherine Grèze e Hélène Lipietz (EELV), que la son anadas vesitar en preson.


La militanta basca Aurore Martin, enpresonada en Madrid, apèla “mai que jamai a la continuacion del procès de patz”, segon de declaracions de Catherine Grèze e Hélène Lipietz, doas parlamentàrias d’Euròpa Ecologia-Los Verds (EELV). Que vesitèron Aurore Martin en preson divendres passat.
 
“Aurore Martin se pòrta tan plan coma pòt anar. Apela uèi mai que jamai a la continuacion del procès de patz engatjat a la Conferéncia Internacionala d’Aiete, e mai que mai per l’implicacion positiva dels govèrns francés e espanhòl,” çò diguèt Catherine Grèze, membre de l’intergrop del Parlament Europèu dedicat a la resolucion del conflicte al Bascoat, sul sieu blòg.
 
“A la demanda de sa maire, li ai portat un metòde Assimil per aprene l’espanhòl e de romans optimistas de Giono, Il barone rampante d’Italo Calvino o The Pillars of the Earth. L’ai trobada en un bon estat d’esperit, serena e totjorn plan fòrta dins son cap,” çò diguèt Grèze en una entrevista amb lo jornal francés Libération.
 
L’eurodeputada Catherine Grèze e la senatritz Hélène Lipietz an volgut portar lor sosten a Aurore Martin, sièis setmanas après èsser arrestada e remesa a las autoritats espanhòlas per d’actes que son pas punidors dins l’Estat francés, jos una qualificacion penala espanhòla qu’a levat maitas interrogacions e indignacions.
 
Per Catherine Grèze, l’arrestacion d’Aurore Martin a “fragilizat lo procès de patz engatjat aquestes darrièrs ans al Bascoat” e “França aviá lo poder de pas procedir a sa detencion, pr’amor qu’un Estat pòt pas donar seguida a un mandat d’arrèst europèu”.
 
La vesita s’organizèt “en seguida a l’acòrdi d’Aurore Martin, en ligam amb las autoritats francesas e espanhòlas, en defòra la quòta de vesitas reservadas als sieus pròches,” çò precisèron.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gorbarin
2.

Es ben. Urosament que los catalans son aicí per mostrar que lo camin per l'independença es possible pacificament, amb un sosten popular (democratic donca) e sus lo long terme.

  • 0
  • 0
Ernèst Guevara Jr. L'Avana
1.

Una granda Dòna que crida a la patz quora i auriá sonque de ràbia a far estrontir d'al fons de las tripas ! Umil e total respècte !

  • 0
  • 0

Escriu un comentari sus aqueste article