Actualitats
Barcelona: omenatge institucional a Robèrt Lafont
Dimècres venent, la Generalitat de Catalonha farà l’acte de clavadura de l’an consagrat a l’occitanista nimesenc a l’ocasion dels dètz ans de sa mòrt
La Generalitat de Catalonha farà dimècres que ven un omenatge institucional a Robèrt Lafont a l’ocasion del desen anniversari de sa mòrt. L’eveniment se tendrà a 18h30 al Palais de la Generalitat e l’organiza la Direccion Generala de la Politica Lingüistica, del Departament de Cultura, qu’a consagrat tot l’an 2019 a recordar l’òbra de Lafont.
L’eveniment comprendrà las intervencions de Benjamin Assié, director del CIRDÒC, e d’Aitor Carrera, de la cadièra d’occitan de l’Universitat de Lhèida, que parlaràn de l’òbra e del legat de Robèrt Lafont e de l’occitanisme del sègle XX. E mai i assistiràn la conselhièra de la cultura, Mariàngela Vilallonga, lo sindic d’Aran, Francés Boya, e la directritz generala de la Politica Lingüistica, Ester Franquesa. A la fin, lo còr Acòrd interpretarà de cançons en occitan, dont Se Canta.
Per participar a l’eveniment se cal inscriure sus aqueste formulari.
2019: an de Robèrt Lafont
Long de l’an 2019, la Generalitat de Catalonha a commemorat lo desen anniversari de la mòrt de Robèrt Lafont en programant d’activitats culturalas, academicas e de divulgacion de la vida e de l’òbra del sociolingüista e escrivan nimesenc que son estadas anonciadas sul sit anrobertlafont.cat. D’eveniments se son debanats a Brussèlas, Barcelona, Reus, Lhèida, Arenys de Mar e Girona.
Robèrt Lafont foguèt laureat de la Crotz de Sant Jòrdi pel Govèrn de la Generalitat de Catalonha en 1987. Puèi, en 2010, lo govèrn catalan instituiguèt lo prèmi Robèrt Lafont amb la tòca de reconéisser de personas o d’entitats que se sián distinguidas per la defensa, la projeccion e la promocion de la lenga occitana. Dins la darrièra edicion lo guierdon anèt al lingüista alemand, Georg Kremnitz. Los laureats de las autras annadas son estats Pèire Bèc, Felip Gardy, Jacme Taupiac e la Fondacion Musèu Etnologic de la Val d’Aran.
Robèrt Lafont es considerat coma una de las pus grandas figuras istoricas de l’occitanisme. Foguèt un intellectual occitan e pus particularament un lingüista, un escrivan, un istorian, un especialista de la literatura e un teorician politic.
Èra maridat amb l’escrivana, traductritz e ensenhaira italiana Fausta Garavini.
L’eveniment comprendrà las intervencions de Benjamin Assié, director del CIRDÒC, e d’Aitor Carrera, de la cadièra d’occitan de l’Universitat de Lhèida, que parlaràn de l’òbra e del legat de Robèrt Lafont e de l’occitanisme del sègle XX. E mai i assistiràn la conselhièra de la cultura, Mariàngela Vilallonga, lo sindic d’Aran, Francés Boya, e la directritz generala de la Politica Lingüistica, Ester Franquesa. A la fin, lo còr Acòrd interpretarà de cançons en occitan, dont Se Canta.
Per participar a l’eveniment se cal inscriure sus aqueste formulari.
2019: an de Robèrt Lafont
Long de l’an 2019, la Generalitat de Catalonha a commemorat lo desen anniversari de la mòrt de Robèrt Lafont en programant d’activitats culturalas, academicas e de divulgacion de la vida e de l’òbra del sociolingüista e escrivan nimesenc que son estadas anonciadas sul sit anrobertlafont.cat. D’eveniments se son debanats a Brussèlas, Barcelona, Reus, Lhèida, Arenys de Mar e Girona.
Robèrt Lafont foguèt laureat de la Crotz de Sant Jòrdi pel Govèrn de la Generalitat de Catalonha en 1987. Puèi, en 2010, lo govèrn catalan instituiguèt lo prèmi Robèrt Lafont amb la tòca de reconéisser de personas o d’entitats que se sián distinguidas per la defensa, la projeccion e la promocion de la lenga occitana. Dins la darrièra edicion lo guierdon anèt al lingüista alemand, Georg Kremnitz. Los laureats de las autras annadas son estats Pèire Bèc, Felip Gardy, Jacme Taupiac e la Fondacion Musèu Etnologic de la Val d’Aran.
Robèrt Lafont es considerat coma una de las pus grandas figuras istoricas de l’occitanisme. Foguèt un intellectual occitan e pus particularament un lingüista, un escrivan, un istorian, un especialista de la literatura e un teorician politic.
Èra maridat amb l’escrivana, traductritz e ensenhaira italiana Fausta Garavini.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un autre biais de veire Robèrt Lafont.
http://lo.lugarn-pno.over-blog.org/2019/11/robert-lafont-et-francois-fontan.html
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari