Actualitats
Peró: la primèra tèsi doctorala presentada en lenga shipibo defend lo desvolopament de las femnas indigènas
Jovita Balarezo a presentat sa tèsi per obténer lo títol d’ensenhaira bilingua interculturala. O a fach amb sa lenga mairala en revendicant sos dreches lingüistics
La tèsi tracta la “formacion professionala e lo desvolopament de las femnas indigènas dins l’Universitat Catolica Sedes Sapientiae”. La tèsi conclutz que las femnas pòdon aténher una creissença professionala se l’administracion publica e las institucions privadas trabalhan ensems. Ça que la, i a totjorn de trabalh de far: “La Glèisa a totjorn sostengut los pòbles originaris, mas l’estat o a fach plan pauc”, çò diguèt. “Nosautres non pensam pas d’un biais individual mas en comunautat. E çò que volèm es demostrar que nòstre pòble desira de contribuir al desvolopament del país. Mas per o far cal totjorn eliminar fòrça barralhas”, çò precisèt.
Jovita Balarezo a beneficiat d’un programa de l’Universitat Catolica Sedes Sapientiae per formar de membres d’un desenat de nacions originàrias per tal que se pòscan consagrar a l’ensenhament de lors lengas.
Raportèrem, lo mes passat dins Jornalet, la primièra presentacion d’una tèsi doctorala en quíchoa. Ara, es una autra universitat peroviana que ten lo privilègi d’aver aculhit la primèra tèsi en lenga shipibo.
¡Lo logró! Jovita Vásquez Balarezo obtiene la calificación de Cum Laude, en consenso, por su tesis sobre la formación profesional y desarrollo de la mujer indígena en la Amazonía, luego de convertirse en la primera mujer shipiba en sustentar su tesis en su lengua originaria. pic.twitter.com/EgiX30LhPo
— UCSS (@ucss_pe) December 16, 2019
Hoy queremos compartir con ustedes el #TestimonioDeCalidad de Jovita Balarezo, la primera peruana en sustentar una tesis en lengua shipibo, que quiere lograr que más niños y jóvenes accedan a una Educación Intercultural Bilingüe de calidad.#MejoraContinua#PorUnPerúDeCalidadhttps://t.co/R0KEP1bFpN
— Sineace (@SineacePeru) December 16, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Perfièch ! Un grand desvolopament pels dreches de las lengas indigènas e sas culturas ! E ara quora tendrem una tèsi en occitan ;)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari