Lo govèrn de Bolívia sorgit del còp d’estat demandèt dimècres passat a l’Organizacion Internacionala de la Polícia Criminala (Interpòl) qu’activèsse un mandat d’arrèst internacional contra l’èx-president Evo Morales, que lo ministèri public bolivian acusa ara de sedicion e terrorisme.
 
Lo ministre del govèrn, Arturo Murillo, o anoncièt dins una conferéncia de premsa mentre que brandava unas manòtas. “Aicí avèm las manòtas per lo menar a Chonchocoro”, çò diguèt en fasent referéncia a la preson boliviana de nauta seguretat. A mai, precisèt que l’enseguissián pas per de rasons politicas mas “per terrorisme”.
 
Morales respondèt sus Twitter que Murillo èra un “maselièr, messorguièr e terrorista verbal”.
 
Lo dètz de novembre passat, l’armada boliviana forcèt Morales, lo primièr president indigèna de l’istòria, a demissionar en argumentant que i aviá agut d’irregularitats a l’eleccion presidenciala. Morales partiguèt en exili en Mexic e puèi en Argentina, ont es aculhit coma refugiat. Ara, l’autoproclamada presidenta interimària de Bolívia, Jeanine Áñez, reconeis que serà “complicat” qu’Argentina extradisca Morales.
 
 

"Que venga a #Bolivia; acá están las esposas para llevarlo a Chonchocoro (Cárcel de máxima seguridad), y no por política, no por persecución, por terrorista", señaló el ministro de gobierno, Arturo Murillo, al referirse a Evo Morales @evoespueblo. https://t.co/61JJn5NXkBpic.twitter.com/w58pePZZNQ

— Voz de América (@VOANoticias) January 8, 2020

 

El ministro de facto, Arturo Murillo, experto para montar show y difamar a los opositores cada día, es carnicero, mentiroso y terrorista verbal. En vez de esperarme con esposas para detenerme, que me espere con su Libreta de Servicio Militar original y no falsa.

— Evo Morales Ayma (@evoespueblo) January 8, 2020