Actualitats
La seleccion occitana de fotbòl cèrca d’esponsors
Las esquipas femenina e masculina participaràn en junh que ven a la copa d’Euròpa de las minoritats
La Seleccion Occitana de Fotbòl se prepara per afrontar ongan una dobla competicion per las seleccions occitanas de fotbòl femenina e masculina. Las doas esquipas participaràn entre lo 20 e lo 28 de junh a l’Europeada 2020, la copa d’Euròpa de fotbòl de las minoritats, que se tendrà a aquelas datas en Caríntia, l’estat del sud d’Àustria que ten una importanta minoritat eslovèna.
Per se ben alestir, l’Associacion Occitana de Fotbòl (AOF) cèrca d’esponsors e demanda a tot lo mond que parlen a l’entorn per obténer l'ajuda d’entrepresas qu’ajan las meteissas valors de convivialitat, paratge e solidaritat que ten l’AOF.
Jornalet esponsòr de la seleccion
Dins aquel sens, la redaccion de Jornalet sèm fièrs d’anonciar qu’aqueste jornal es lo primièr partenari de nòstra seleccion nacionala de fotbòl. Avèm recebut un don d’un mecèna per metre una publicitat de Jornalet sus la marga de la camiseta.
En mai d’aquò, l’AOF demanda lo sosten de tot lo país. De jogadors, d’ancians jogadors, de suportaires, de cosinièrs, de massaires e quina persona que siá son cridats a sosténer la Seleccion. Tanben se pòt ajudar amb un escotisson de 30 èuros deductible dels impòstes al 66%.
Per mai d’informacions podètz contactar Aimeric Amiel per e-mail o al +33(0)6 83 82 21 80.
Lo torneg de fotbòl de las minoritats d’Euròpa
L’Europeada es lo torneg de fotbòl de las minoritats d’Euròpa que se tendrà fins al 28 de junh. Aquela competicion dona l’oportunitat de jogar internacionalament a las seleccions de las minoritats nacionalas e culturalas d’Euròpa exclusas de l’UÈFA. Lo torneg es organizat dempuèi 2008 per l’Union Federala de las Nacionalitats Europèas (Federal Union of European Nationalities, FUEN) e se debana cada quatre ans amb l’intencion d’aprofechar l’atencion mediatica que la genèra l’Eurocopa dels estats per far créisser la coneissença de las minoritats nacionalas e la diversitat lingüistica del continent europèu. Occitània i a participat regularament.
En 2016, Occitània foguèt classada en 2a posicion tant al torneg masculin coma al femenin e en 2012, arribèt als quarts de finala.
Per se ben alestir, l’Associacion Occitana de Fotbòl (AOF) cèrca d’esponsors e demanda a tot lo mond que parlen a l’entorn per obténer l'ajuda d’entrepresas qu’ajan las meteissas valors de convivialitat, paratge e solidaritat que ten l’AOF.
Jornalet esponsòr de la seleccion
Dins aquel sens, la redaccion de Jornalet sèm fièrs d’anonciar qu’aqueste jornal es lo primièr partenari de nòstra seleccion nacionala de fotbòl. Avèm recebut un don d’un mecèna per metre una publicitat de Jornalet sus la marga de la camiseta.
En mai d’aquò, l’AOF demanda lo sosten de tot lo país. De jogadors, d’ancians jogadors, de suportaires, de cosinièrs, de massaires e quina persona que siá son cridats a sosténer la Seleccion. Tanben se pòt ajudar amb un escotisson de 30 èuros deductible dels impòstes al 66%.
Per mai d’informacions podètz contactar Aimeric Amiel per e-mail o al +33(0)6 83 82 21 80.
Lo torneg de fotbòl de las minoritats d’Euròpa
L’Europeada es lo torneg de fotbòl de las minoritats d’Euròpa que se tendrà fins al 28 de junh. Aquela competicion dona l’oportunitat de jogar internacionalament a las seleccions de las minoritats nacionalas e culturalas d’Euròpa exclusas de l’UÈFA. Lo torneg es organizat dempuèi 2008 per l’Union Federala de las Nacionalitats Europèas (Federal Union of European Nationalities, FUEN) e se debana cada quatre ans amb l’intencion d’aprofechar l’atencion mediatica que la genèra l’Eurocopa dels estats per far créisser la coneissença de las minoritats nacionalas e la diversitat lingüistica del continent europèu. Occitània i a participat regularament.
En 2016, Occitània foguèt classada en 2a posicion tant al torneg masculin coma al femenin e en 2012, arribèt als quarts de finala.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'agrada pla los colors groc e vermelh de la camiseta e los calçons, e la crotz e l'escut OCCITANIA. Ten un dissenh força modern amb la crotz al costat. Amb un vestit tan polit segur qu' anirà tot ben.
Malaja, aquera equipa qu'amuisha la mauescaduda de l'occitanisme. N'an pas nat suportaires, nat sòus de las institucions, nat sostien culturau, nada consideracion.
Probable per'mor qu'ei bastida sus ua engana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari