Actualitats
Los Dragons passan a l’ofensiva
Long de la setmana, se parlèt de la signatura d’Israel Folau als Dragons Catalans, mas dissabte a Brutus es un autre jogaire que mostrèt tot son talent: lo Sam Tomkins
Alan Roch
Amb lo bonjorn de Super-Sam
Los Dragons presentèron al public un imatge novèl amb un jòc virat cap a l’ofensiva, una granda circulacion de la palma. Una tactica que lor i portèt profièit fàcia als Tigres de Castleford.
Al cap de 2 minutas, l’arrièr anglés dels Sang e Aur serpentejava dins la defensa anglesa per marcar. Quatre minutas mai tard, Israel Folau sautava mai naut que los adversaris per recuperar un còp de pè a seguir de James Maloney e puntar l’ensag. Los catalans se fasián susprene sus un remandadís als 20 m lèu jogat pels angleses. Sam Tomkins tornava traucar la defensa desl Tigres, lançava Yaha que passava la palma a Langi. Los angleses replicavan just abans la pausa (20-12 pels Dragons)
Tomkins tornava marcar a la represa, Yaha i anava de son ensag. Un instant d’inatencion e Richardson marcava pels angleses. Sus la còrna, Sam Tomkins signava lo seisen ensag catalan e lo tresen personal de la serada: victòria 36-18.
Victòria bèla (52-10) per Leeds fàcia a Hull KR. Huddersfield (12-10 a Salford) e St Helens (32-18 cò d’Hull KR) ganhan al defòra. Toronto pòt pas res a Wigan (desfaita 32-10). Partida plan disputada a Wakefield, ganhada pels locals contra Warrington 18-8.
Tolosa copa las alas de l’agla
En Championship, èra lo primièr desplaçament dels tolosans en Anglatèrra. Ne tornan amb una victòria fàcia a las Aglas de Sheffield: 26-14.
Realmont en quart de Copa
Al tèrme d’una partida epica, lo detentor del trofèu Carcassona s’inclina a Lesinhan 30-24 en 8n de la Copa . Cinc autras formacions d’Elèit 1 acompanharàn los molinièrs en quart de finala: Albi (victòria a Tolon: 46-0), St Gaudenç (victòria a Selon: 38-20); Palau (victòria a Entraigas: 36-14); Limós (victòria a Illa: 42-12), los Dragonets (victòria a Vilafranca: 62-10). Completan la lista de qualificats: lo pensionari d’Elèit 2 Vilagalhenc-Argon (victòria a l’Escura: 37-4) e una formacion de Nacionala 1: Realmont qu’elimina sa segonda esquipa d’Elèit 2. Aprèp Carpentràs, son los catalans de Baó que plegan contra los jogaires de la vila de Loïsa Paulin: 34-26!
Retorn al campionat aquesta dimenjada. Dissabte, Carcassona e Avinhon se disputaràn per una plaça qualificativa, alara que, dins lo naut del tablèu, Lesinhan reçauprà los Dragonets dimenge.
Lo Nines pels Vaquièrs
Un torneg de rugbi de IX marcava la represa de la sason en Austràlia. Se jogava a Perth ont l’NRL considèra la creacion d’una esquipa dins aquela part occidentala de l’illa-continent.
Los venceires de la competicion son los Vaquièrs cò dels òmes e Sant Jòrdi Illawarra dins la competicion femenina.
Alan Roch
Los Dragons presentèron al public un imatge novèl amb un jòc virat cap a l’ofensiva, una granda circulacion de la palma. Una tactica que lor i portèt profièit fàcia als Tigres de Castleford.
Al cap de 2 minutas, l’arrièr anglés dels Sang e Aur serpentejava dins la defensa anglesa per marcar. Quatre minutas mai tard, Israel Folau sautava mai naut que los adversaris per recuperar un còp de pè a seguir de James Maloney e puntar l’ensag. Los catalans se fasián susprene sus un remandadís als 20 m lèu jogat pels angleses. Sam Tomkins tornava traucar la defensa desl Tigres, lançava Yaha que passava la palma a Langi. Los angleses replicavan just abans la pausa (20-12 pels Dragons)
Tomkins tornava marcar a la represa, Yaha i anava de son ensag. Un instant d’inatencion e Richardson marcava pels angleses. Sus la còrna, Sam Tomkins signava lo seisen ensag catalan e lo tresen personal de la serada: victòria 36-18.
Victòria bèla (52-10) per Leeds fàcia a Hull KR. Huddersfield (12-10 a Salford) e St Helens (32-18 cò d’Hull KR) ganhan al defòra. Toronto pòt pas res a Wigan (desfaita 32-10). Partida plan disputada a Wakefield, ganhada pels locals contra Warrington 18-8.
Tolosa copa las alas de l’agla
En Championship, èra lo primièr desplaçament dels tolosans en Anglatèrra. Ne tornan amb una victòria fàcia a las Aglas de Sheffield: 26-14.
Realmont en quart de Copa
Al tèrme d’una partida epica, lo detentor del trofèu Carcassona s’inclina a Lesinhan 30-24 en 8n de la Copa . Cinc autras formacions d’Elèit 1 acompanharàn los molinièrs en quart de finala: Albi (victòria a Tolon: 46-0), St Gaudenç (victòria a Selon: 38-20); Palau (victòria a Entraigas: 36-14); Limós (victòria a Illa: 42-12), los Dragonets (victòria a Vilafranca: 62-10). Completan la lista de qualificats: lo pensionari d’Elèit 2 Vilagalhenc-Argon (victòria a l’Escura: 37-4) e una formacion de Nacionala 1: Realmont qu’elimina sa segonda esquipa d’Elèit 2. Aprèp Carpentràs, son los catalans de Baó que plegan contra los jogaires de la vila de Loïsa Paulin: 34-26!
Retorn al campionat aquesta dimenjada. Dissabte, Carcassona e Avinhon se disputaràn per una plaça qualificativa, alara que, dins lo naut del tablèu, Lesinhan reçauprà los Dragonets dimenge.
Lo Nines pels Vaquièrs
Un torneg de rugbi de IX marcava la represa de la sason en Austràlia. Se jogava a Perth ont l’NRL considèra la creacion d’una esquipa dins aquela part occidentala de l’illa-continent.
Los venceires de la competicion son los Vaquièrs cò dels òmes e Sant Jòrdi Illawarra dins la competicion femenina.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E veire lo reportage sul XIII lo joan de Tolosa-Dragons sus Té-Vé-Òc cailloux-contra !
Rugbí, un espòrt occitan ?
Cossí l’espòrt nascut dins un collègi anglés al sègle 19 trapèt unas tèrras d’eleccion en país d’Òc ? Aprèp aver envisatjat divèrsas ipotèsis, Alan Roch abordarà mai en detalh l’istòria e l’actualitat del rugbí de 13 en Occitania e Catalonha, abans d’i rajustar qualque raconte veridic (o pas), dins un rescontre dobèrt a totes que se tendrà aqueste dimècres 26 de febrièr, a 6 oras del vèspre, a l’Ostal d’Occitania 11, travèrsa Malcosinat a Tolosa, a l’iniciativa de la Librariá La Tuta d’Òc. Un aperitiu clavarà lo rescontre.
• Alan Roch ten cronicas de XIII en occitan (Jornalet, Ràdio-Lenga d’Òc-Narbona, Ràdio-Lenga-d’Òc-Erau), comenta partidas (en francés) sus Radio-Marseillette, anima un magasine (en fr.) Cinquième Tenu (RCF-pays d’aude). Assegura l’animacion bilenga a l’estadi Domèc per las partidas de Carcassona 13 .
A dirigit la publicacion de 2 libres collectius consacrats al rugbí de XIII : XIII coma rugbí (2000) ; Lo XIII, aquò òc ! (2018)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari