Actualitats
An aprovada la constitucion d’una Egipte dividida
Lo comitat electoral confirma que 63,8% dels vòtes se son exprimits en favor del tèxt novèl pendent lo referendum constitucional
Lo comitat electoral suprèm d’Egipte anoncièt dimars passat, jorn de Nadal, que la nòva constitucion del país s’èra aprovada amb 63,8% de vòtes afirmatius al referendum constitucional debanat lo 15 e lo 22 de decembre. Aquela donada confirma çò qu’avián ja anonciat los Fraires Musulmans, lo movement islamista qu’es partisan del tèxt constitucional e que sosten lo president Muhammad Mursi. La participacion es estada de 32,9%, segon de donadas oficialas.
Lo comitat electoral diguèt tanben que totas las denóncias dels opausants sus la presumida fraudariá se son examinadas “en prigondor”.
Cossí que siá, la polemica es dobèrta perque l’oposicion manten la denóncia de fraudariá dins las eleccions e questiona la legitimitat de la consulta dins un país de mai en mai dividit.
D’efièch, la nòva constitucion a dividit Egipte entre los sectors islamistas, los laïcs e los crestians, qu’an paur de l’islamizacion del país e que veson menaçadas las libertats. Considèran que la constitucion entraïnarà una islamizacion de la vida publica e una reduccion de las libertats individualas, mai que mai de las femnas.
La division es arribada quitament al govèrn. Al delà del vicepresident Makki, sèt dels dètz e sèt pus grands conselhièrs del president Muhammad Mursi an demissionat aquestas darrièras setmanas.
Lo comitat electoral diguèt tanben que totas las denóncias dels opausants sus la presumida fraudariá se son examinadas “en prigondor”.
Cossí que siá, la polemica es dobèrta perque l’oposicion manten la denóncia de fraudariá dins las eleccions e questiona la legitimitat de la consulta dins un país de mai en mai dividit.
D’efièch, la nòva constitucion a dividit Egipte entre los sectors islamistas, los laïcs e los crestians, qu’an paur de l’islamizacion del país e que veson menaçadas las libertats. Considèran que la constitucion entraïnarà una islamizacion de la vida publica e una reduccion de las libertats individualas, mai que mai de las femnas.
La division es arribada quitament al govèrn. Al delà del vicepresident Makki, sèt dels dètz e sèt pus grands conselhièrs del president Muhammad Mursi an demissionat aquestas darrièras setmanas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Solidaritat amb los còptes, amb las femnas e amb los democratas d'Egipte!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari