Lo monde esportiu e tretzista es a l’arrèst en Occitània, Catalonha e Anglatèrra. Nos demòra de seguir la competicion australiana que BeInSport ne retransmet qualques partidas en dirècte e sens cap de comentaris!

Retorn al país?
 
Los jogaires del Pacific qu’instrumentan en Elèit en Occitània e Catalonha an pel cap de tornar al mai lèu en cò sieu:
   
Problèma pels clubs: la tarifa de las bilhetas de retorn monta, monta, monta...
 
 
NRL: règlas novèlas e pòrtas barradas
 
Austràlia es un laboratòri pel XIII ont cada an pòrta sas règlas novèlas. Ongan, avèm lo Captain’s Challenge: lo dreit pel capitani de demandar la consultacion del vidèo per contestar une decision de l’arbitre. Se lo jogaire a rason, poirà tornar utilizar aquel dreit dins la partida. S’a tòrt, es acabat per sa formacion pel demai del rescontre. Autra règla : l’esquipa que benefícia de la mesclanha pòt causir de la jogar a 10m de la tòca, a 20m o al centre del terren.
 
Fin finala, aprèp una jornada disputada dins d’estadis voids, aqueste diluns, l’NRL a anonciat l’arrèst de la competicion per una durada indeterminada.
 
Per parlar espòrt, notarem que qualques equipas an ganhat las primièras doas partidas (www.nrl.com) : las Anguialas de Parramatta, Newcastle, los Raiders de Canberra, la Tempèsta de Melbourne, Brisbane e las Pantèras de Penrith.
 
Per contra, los campions, los Polets de Sydney se trapan en coa de classament aprèp la desfaita de la primièra jornada a Penrith (14-20) e la d’aquesta segonda jornada (8-9 contra Manly, un tombat sul pal pels campions contra un tombat encapat dins las darrièras minutas per faire la decision!)
 
 
 
 
Alan Roch