Fa qualques jorns, l’ensenhaire Pascau Sebat, partejava amb los legeires de Jornalet son embarrament en nos mostrant en vidèo son activitat dins l’òrt. Coma totes los ensenhaires, Sebat trabalha fòrça de son confinament estant per manténer lo ligam amb los escolans e per que manquen pas lors estudis. “Ara qui’m soi avisat qu’èri plan esquipat peu retrogaming, que vau poder deishar de trabalhar fòrça per manténer lo ligam amb los escolans e per que manquen pas lors estudis... e jogar”, çò rapòrta. Vaquí son rapòrt.
 

Ger qu’èi netejat tota la pagalha qui i avè dens los mens tiradèrs de plastic au ras de la tèle. N’èi pas rengat las manetas de PS4 per’mor los dròlles, la hemna e jo que se’n servim tot dia.
 
Coma ne vau pas mei córrer peus costalàs au ras de casa e coma minjam tròp puish que s’avejam, la hilha e jo qu’avem decidit de har a Just Dance aumensh un còp per dia. Per’mor que’ns agrada mei que mei e tanben tà pas acabar lo confinament TRÒP obès...
 
La tresau fotò qu’ei la Wii Balance Board, qui sèrv a jogar a Wii Fit Plus. Qu’aví crompat açò dens un vuèita-graèr en me díser que probablament, se n’amusarem ua òra o duas abans d’ac deishar préner la prova... e qu’estó lo cas dinc au començar deu confinament. Si n’i a permiei los jornaletistas qui an açò a casa que’vs conselhi de’u balhar ua segonda chança: córrer davant la tèle n’avè pas nat interès per jo... Tant qui podèvi córrer dehòra!
 
Que’n profiti per sinhalar l’existéncia deu grop Videojòcs sus Facebook, on partatjam en occitan las nostas experiéncias de gamers.
 
Com èi vist que l’article suu casau èra estat lejut e apreciat, que’n mandarèi d’autes.
 
A plan lèu....
 
 
 
Pascau Sebat

 



 

---

Partejatz lo confinament amb la rèsta de legeires
 
Encoratjam nòstres legeires a nos mandar de tèxtes, de vidèos, d’imatges o d’àudios sus lors idèas de passar lo confinament. De partejar aqueles moments entre totes nos ajudarà a nos donar d’idèas los unes als autres, e nos coneisserem un pauc melhor.
  
                                                                                                                                                                                                                                                                                                                                                                                    

fffff		fffff		fffff
	Lo confinament dels legeires de Jornalet
			Sès confinat a l’ostal? As, totun, de connexion a Internet? As de bonas idèas per passar lo temps? Jornalet demanda a sos legeires que partegen lors idèas e lor vida en confinament amb un messatge de tèxt, una fòto, un vidèo, un àudio o qué que siá que se pòsca publicar en linha e partejar amb los autres legeires.                           As bastit un castèl de carton pels enfants? Fas d’escalada dins la cosina? As organizat un concèrt per videoconferéncia? Tenes una vida sociala sus las fenèstras o los balcons? Fas d’espòrt a l’ostal? As de bons libres a nos recomandar? De bonas idèas per èsser tostemps de bona umor?
	Manda tos documents a info@jornale...                           Convivéncia e paratge en confinament.