Bandièra01 1180x150: La Passem

Actualitats

InternacionalPoliticaSocietat

Donald Trump defugís los mèdias après suggerir que s’injècte de desinfectant per se garir de la Covid-19

Luènh de demandar excusa, Trump acusa la premsa d’aver manipulat sas paraulas que segon el èran “sarcasticas”

| Chip Somodevilla
Après que dijòus passat suggeriguèt de sonhar la Covid-19 amb d’irradiacions de calor e d’injeccions de desinfectant, ara Donald Trump sembla d’evitar los mèdias. L’endeman divendres, sa compareissença durèt qualques minutas e acceptèt pas de questions. E dissabte decidiguèt de comparéisser pas. En seguida anoncièt sus Twitter qu’arrestava de se presentar davant los mèdias. Per Trump, aquelas compareissenças son “pas pertinentas”, los jornalistas li pausan “de questions ostilas” e “vòlon pas amb precision informar sus la vertat o suls faches”. En acusant un còp de mai los mèdias de “difusar d’informacions falsas”,  diguèt que comparéisser davant los mèdias valiá “pas lo temps ni l’esfòrç”.
 
 
Los scientifics avisan que degun s’injècte pas de desinfectant
 
Après sas paraulas de dijòus passat, de mètges e de scientifics avertiguèron publicament que “los desinfenctants se pòdon pas prene ni injectar dins lo còrs d’una persona”. D’efièch, après los devises de Trump, ABC News a raportat mai d’una centena de cases d’intoxicacion per desinfectant als Estats Units.
 
 
Acusa la premsa d’aver manipulat sos prepauses
 
Mas luènh de demandar excusa, Trump acusa la premsa d’aver manipulat sas paraulas que segon el èran “sarcasticas”.
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

I a desinfectants naturals que las personas prenen normalment, coma la llimona e lo tè, e son remeis naturals. Eu que som un ignorant en medecina, cresi que i a desinfectants que los metges suministren a malalts, mas acò non vol dire pas que los injecten sotal, lleissiu, alcool, o altres desinfectants. Donal non a bonas relacions amb la premsa de l'establishment, que no li a perdonat que guanhas las eleccions a un candidat dels sieus, perquè el es milionari e va per liure, e non depen de los poder de la cia, ni d'altre, va pel sieu compte, e a vegades s'alia amb molt mala gent, açò es evident, e mai pel sieu mal caracter a molts d'enemics.

  • 4
  • 3

Escriu un comentari sus aqueste article