Actualitats
Lo govèrn espanhòl a destituit lo cap de la Gàrdia Civila per manca de fisança
E mai aja un passat fosc, es ara qu’a atacat lo Partit Socialista que lo luòctenent-coronel es estat destituit
Lo govèrn espanhòl a demés de sas foncions lo cap de la Gàrdia Civila, Diego Pérez de los Cobos. Lo ministre de l’Interior, Fernando Grande-Marlaska, o a justificat en disent que se fisa pas pus d’el. Aquesta informacion seriá pas pertinenta se prenguèssem pas en compte l’òbra de Pérez de los Cobos e la rason per la quala es estat destituit.
Diego Pérez de los Cobos es un òme polemic dempuèi longtemps. D’efièch, es lo responsable de la subreviolenta accion de la polícia en Catalonha durant lo referendum del 1r d’octòbre de 2017 contra lo mond que votavan. Foguèt jutjat en 1997 per aver infligidas de torturas a de presonièrs bascos. A mai, durant lo còp d’estat del 23 de febrièr de 1981, en tenguda de falangista, se presentèt a la casèrna de la Gàrdia Civila de la vila de Yecla coma volontari, per far “çò que caldriá”.
Ça que la, sembla que siá destituit per aver fach un rapòrt qu’a menat lo govèrn espanhòl davant la justícia. Segon aquel rapòrt, lo govèrn espanhòl auriá autorizat la manifestacion feminista del 8 de març passat e mai coneguèsse lo risc de propagacion de la covid-19.
Dins aquel sens, Joaquim Forn, qu’èra lo conselhièr de l’Interior de la Generalitat de Catalonha en 2017, a plangut que siá ara “que la Gàrdia Civila a agit contra un responsable socialista” que l’ajan destituit. Segon Forn, Pérez de los Cobos agiguèt “amb premeditacion” pendent aquel 1r d’octòbre de 2017.
Diego Pérez de los Cobos es un òme polemic dempuèi longtemps. D’efièch, es lo responsable de la subreviolenta accion de la polícia en Catalonha durant lo referendum del 1r d’octòbre de 2017 contra lo mond que votavan. Foguèt jutjat en 1997 per aver infligidas de torturas a de presonièrs bascos. A mai, durant lo còp d’estat del 23 de febrièr de 1981, en tenguda de falangista, se presentèt a la casèrna de la Gàrdia Civila de la vila de Yecla coma volontari, per far “çò que caldriá”.
Ça que la, sembla que siá destituit per aver fach un rapòrt qu’a menat lo govèrn espanhòl davant la justícia. Segon aquel rapòrt, lo govèrn espanhòl auriá autorizat la manifestacion feminista del 8 de març passat e mai coneguèsse lo risc de propagacion de la covid-19.
Dins aquel sens, Joaquim Forn, qu’èra lo conselhièr de l’Interior de la Generalitat de Catalonha en 2017, a plangut que siá ara “que la Gàrdia Civila a agit contra un responsable socialista” que l’ajan destituit. Segon Forn, Pérez de los Cobos agiguèt “amb premeditacion” pendent aquel 1r d’octòbre de 2017.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Un cap de las policias que no dona tota l'informacion al govern que representa, no pot aver un carrec de tanta responsabilitat. Lo Govern a fait molt be de traure'l. E lo segon comandament qu' a dimitit, li mancaven quatre dias per jubilar se.
Ja que li agrada la "tenguda de falangista", es dins aquesta tenguda que deuriam organizar per Diego Pérez de los Cobos una passejada per las carrièras de Guernica, acompanhat per tot lo pòble basc — e sense polícia fascista, plan segur (gastarián la fèsta) —, abans de li organizar una arribada en fanfara lo 1er d'octòbre venent, sus la Rambla del Mar, a Barcelona, acompanhat, aqueste còp de tot lo pòble catalan… Un òme aital deu èsser festejat plan coma cal !!! De participar al tresen anniversari de la Republica Catalana li fariá tant plaser.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari