Bandièra01 1180x150: Comuna de Tolosa

Actualitats

Barcelona: un debat municipal musclat contra Manuel Valls

Lo conselh municipal de Barcelona a condemnat las expulsions dels ròms en França quand Manuel Valls èra ministre de l’Interior

Lo conselh municipal de Barcelona, que Manuel Valls n’es un elegit, ven de se metre d’acòrdi aquesta setmana sus una declaracion que condemna las expulsions dels ròms de la banlèga de París, quand Valls èra ministre de l’Interior. La declaracion l’a presentada Esquèrra Republicana de Catalonha (ÈRC) en seguida de la condemnacion de la Cort Europèa dels Dreches Umans contra l’estat francés per las percaças e lo desmantelament de camps de ròms quand Manuel Valls èra ministre de l’Interior. La declaracion l’an sostenguda Barcelona en Comun, lo Partit Socialista e Amassa per Catalonha. Pasmens, son aprovacion s’es facha dins la polemica, çò rapòrta Betevé.
 
“La comuna de Barcelona condemna los faches que provoquèron la mençonada senténcia de la Cort Europèa dels Dreches Umans e que son un exemple del pièger nacionalisme exclusent”, çò ditz lo tèxt, que tanben revendica Barcelona coma una vila “dobèrta a totas las personas sens qu’impòrten lors etnia, lenga, religion, genre o orientacion sexuala” e confirma l’engatjament de “totes los elegits” al Còde Etic de la comuna.
 
De soslinhar que las eleccions municipalas a Barcelona las ganhèt ÈRC mas es Ada Colau, dels partit dels «comuns», que venguèt consolessa màger: faguèt un govèrn de coalicion amb los socialistas e obtenguèt lo sosten de Manuel Valls, que votèt per ela per evitar que lo cònsol màger foguèsse un independentista catalan.
 
 
Lo pecat original
 
Dins son intervencion, Manuel Valls critiquèt que lo govèrn de coalicion de socialistas: viviá “amb lo pecat original de [son] vòte dempuèi un an e ara [cercava] lo perdon”, çò diguèt. A mai, assegurèt que la declaracion èra “una ataca frontala contra la Republica Francesa”. Segon Valls, la cort de Luxemborg diguèt que los faches èran pas estats una violacion del drech a la vida privada e familiala mas si de las garentidas de procedura; l’èx-primièr ministre, doncas, demandèt als conselhièrs municipals que legiguèsson la senténcia abans de dire quicòm.
 
Lo Partit Popular e Ciutadans, partits de drecha espanholista, refusèron la declaracion e sostenguèron Valls.
 
 
Un debat polemic
 
Lo debat foguèt musclat. D’un caire, los comuns e los socialistas, e mai sostenguèsson la declaracion, refusèron qu’ÈRC demandèsse que Valls demandèsse perdon e demissionèsse. En seguida, Amassa per Catalonha a dich que lor sembla “particular” que comuns e socialistas condemnen Valls après aver acceptat son sosten per poder dirigir la capitala de Catalonha.

 
 
 
 
 
 
 
 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Manolito lo traidor a sa terrera, amenaça amb lo dit a la Ciutat.

  • 3
  • 0
Felip Martèl Montpellier
2.

Interessant que lo tweet per defendre "mi honor", hombre, sieie en castelhan. Pas estonant que sieie sostengut per la drecha e l'extrema drecha. Es a meitat chamin dins lo vueida-bordilhas, l'i a encara quauques plans de passar, mas dinqu'aüra tot vai ben.






  • 11
  • 0
Black Blòc Joe
1.

Manolito Valls assegurèt que la declaracion èra “una ataca frontala contra la Republica Francesa”. Se ne vòl, d'atacas frontalas de la republica imperialista e racista francesa, li ne podèm servir, a bodre ! Sa quita constitucion es una declaracion xenofòba e inegalitarista entre las lengas, culturas e pòbles de l'espaci gerit pel governament francés…

  • 13
  • 0

Escriu un comentari sus aqueste article