Actualitats
La Nòva Zelanda es lo primièr estat que se declara liure de la covid-19
Totes los sectors de l’economia poiràn tornar foncionar sens restriccions ni problèmas
Lo govèrn de la Nòva Zelanda levarà totas las restriccions per la covid-19, après que las autoritats sanitàrias an confirmat que demòra pas cap de cas actiu de l’infeccion. La primièra ministra, Jacinda Ardern, a afirmat que son “lèstes” per una redobertura completa, e mai se preveja que l’archipèla mantenga d’estrictes contraròtles de frontièra per evitar de nòus cases importats. Es atal que la Nòva Zelanda ven lo primièr estat de la planeta que se declara liure de la covid-19 dempuèi que comencèt la pandemia.
Interrogada sus sa reaccion quand saupèt que i aviá pas cap de persona infectada, Ardern a respondut en risent: “Faguèri una petita dança”. Dempuèi lo 1r de mai s’es detectat 15 cases de l’infeccion, dont lo darrièr foguèt lo 22 de mai.
La gestion que l’a facha la primièra ministra de la crisi es estada saludada per tot lo Mond. Tanben la saludèrem dins l’editorial del 24 de mai passat. Lo 25 de març, quand solament s’èra enregistrat aperaquí 200 cases, Ardern decidiguèt de metre tota la populacion en confinament pendent quatre setmanas. De restriccions que pauc a cha pauc son estadas levadas. Aquela estrategia prudenta s’es demostrat eficaça, a en jutjar pel relativament pichon impacte del virus: 1504 infeccions e 22 mòrts.
Segon Ardern, los neozelandeses demoraràn desenant dins un país “ont la vida serà tan normala coma se pòt dins una pandemia globala”. Tanplan, la cap del govèrn a assegurat que totes los sectors de l’economia poirián tornar foncionar sens restriccions ni problèmas.
Interrogada sus sa reaccion quand saupèt que i aviá pas cap de persona infectada, Ardern a respondut en risent: “Faguèri una petita dança”. Dempuèi lo 1r de mai s’es detectat 15 cases de l’infeccion, dont lo darrièr foguèt lo 22 de mai.
La gestion que l’a facha la primièra ministra de la crisi es estada saludada per tot lo Mond. Tanben la saludèrem dins l’editorial del 24 de mai passat. Lo 25 de març, quand solament s’èra enregistrat aperaquí 200 cases, Ardern decidiguèt de metre tota la populacion en confinament pendent quatre setmanas. De restriccions que pauc a cha pauc son estadas levadas. Aquela estrategia prudenta s’es demostrat eficaça, a en jutjar pel relativament pichon impacte del virus: 1504 infeccions e 22 mòrts.
Segon Ardern, los neozelandeses demoraràn desenant dins un país “ont la vida serà tan normala coma se pòt dins una pandemia globala”. Tanplan, la cap del govèrn a assegurat que totes los sectors de l’economia poirián tornar foncionar sens restriccions ni problèmas.
New Zealand to lift all restrictions as it declares itself virus-free https://t.co/pMOSmyJgxO
— BBC News (World) (@BBCWorld) June 8, 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Visca! Cal aprene de coma o an fait, lo confinament duret per tothom quatre setmanas, e aprés pauc a pauc las restriccions fogueren levadas. Aissò s'auria d'aver fait en las zonas per exemple la Comunitat Autònoma de les Illes Balears, e d'altras Autonomias de l'Estat. Mas fins mai de dos meses no an començat a levar las restriccions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari