Bandièra01 capçalera  1180x150: Novestivada

Actualitats

La Cort Suprèma espanhòla obliga las administracions valenciana, catalana e baleara de comunicar entre elas exclusivament en castelhan

Tanben elimina l'usatge preferencial del catalan al País Valencian. La senténcia respond a una demanda del govèrn espanhòl facha en novembre passat

En Espanha, La Cort Suprèma obliga que las administracions del País Valencian, Catalonha e las Illas Balearas comuniquen entre ellas exclusivament en espanhòl
En Espanha, La Cort Suprèma obliga que las administracions del País Valencian, Catalonha e las Illas Balearas comuniquen entre ellas exclusivament en espanhòl | Concepcion Amat Ortas
En Espanha, La Cort Suprèma obliga que las administracions del País Valencian, Catalonha e las Illas Balearas comuniquen entre ellas exclusivament en espanhòl, e mai anulla l’usatge preferencial del catalan dins l’encastre de l’administracion valenciana, çò rapòrta Vilaweb.
 
Atal, la cort situada a la cima de l’organizacion del poder judiciari en Espanha confirma una senténcia de la Cort de Justícia del País Valencian que respondiá a una demanda de l’avocat general de l’estat espanhòl en novembre passat. Lo govèrn espanhòl, d’efièch, considèra que lo govèrn valencian deu comunicar en espanhòl amb los govèrns balear e catalan, çò que lo poder judiciari ven de confirmar. A mai, l’anullacion del catalan coma lenga d’usatge preferencial dins l’administracion valenciana viòla lo decret sus l’usatge de las lengas oficialas al País Valencian aprovat pel govèrn regional.
 
Accion Culturala del País Valencian a mostrat son indignacion. “Lo tribunal ataca l’autogovèrn del pòble valencian e quitament la sciéncia” puèi que “refusa que las administracions que partejan lo domeni catalan parlen entre elas en lor lenga”.
 
Lo president de la Generalitat de Catalonha, ça que la, a declarat qu’obesiriá pas a la senténcia e que contunhariá d’emplegar lo catalan amb las administracions valenciana e baleara.



 
 
 
 
 
 
   
 

 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

Cort Suprèma Espanhòla… Suprèma, o supremacista, segregacionista, inegalitarista e donc racista ? Òm se creiriá en França !

  • 8
  • 1
francesc palma
2.

Ni puta cas. Los jutges d'aquest tribunal se cresen que manden mai que los representants populars. Pur franquisme madrilenh.

  • 9
  • 1
Pau
1.

E ara, imaginatz-vos que le Tribunal suprèm francés obligue las administracions regionalas de Nòva Aquitània, de la Region Occitània-Pirenèus-Mediterranèa e Provença-Alps-Còsta d'Azur a comunicar pas mès en occitan! Impensable. La reprobacion seriá generala e la revòlta unanima.

  • 9
  • 1

Escriu un comentari sus aqueste article