Bandièra01 1180x150: Comuna de Tolosa

Actualitats

Senegal: la societat civila demanda de levar l’estatua de Faidherbe

Las moblizacions globalas antiracistas an reviscolat lo debat public de retirar los simbòls del colonialisme

| Sénégal Black Rainbow
Lo murtre de George Floyd als Estats Units a desencadenat una mobilizacion planetària contra lo racisme. Dins aquel encastre, en Senegal la societat civila demanda ara de retirar los simbòls del colonialisme. Dins la vila de Ndar (que son nom colonial es Saint-Louis) es sul debat public lo retirament de l’estatua de Louis Léon Faidherbe, que foguèt l’administrator colonial del país.
 
Lo debat sul retirament d’aquel monument comencèt ja en 2017 quand aquela estatua foguèt damatjada per una tempèsta, e la societat civila demandava que se retirèsse. Ara, l’encastre de protèstas antiracistas de tota la planeta a reviscolat aquel subjècte. L’enlevament d’aquela estatua es quitament dins los engatjaments electorals d’un candidat a las eleccions municipalas.
 
 
Descolonizacion lingüistica
 
Mas benlèu lo mantenement del francés coma sola lenga oficiala es la sequèla pus patenta de la colonizacion.  Pasmens, se trabalha dempuèi 2014 a una descolonizacion après que l’Assemblada Nacionala modifiquèt lo Còde General de las Collectivitats Localas en i levant l’obligacion de mestrejar la lenga coloniala. A partir d’aquel moment, de mestrejar lo francés a l’oral e l’escrich a quitat d’èsser obligatòri pels cònsols senegaleses. Actualament, se demanda als elegits en Senegal  de saber legir e escriure en una de las dichas “lengas nacionalas” del país o en arabi. Aquelas lengas dichas “nacionalas” son lo diòla, lo malinke, lo pul, lo serèr, lo soninke e lo wolòf, qu’es la lenga iniciala d’un 40% de senegaleses e que de còps jòga lo ròtle de lenga comuna, e mai lo plurilingüisme siá abitual.

 
 
 
 
 

abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Segur que foguet un aprofitat parisien qu' es faguet milionari disent que lo Senegal era de la patria francaisa. E encara ten una estastua lo gran paucavergonha !

  • 1
  • 0

Escriu un comentari sus aqueste article