Bandièra01 1180x150: Comuna de Tolosa

Actualitats

De susmautas entre unionistas e policièrs en Béal Feirste (Belfast)

La bandièra del Reialme Unit ven signe de discòrdia violenta en Irlanda del Nòrd

L’Irlanda del Nòrd es a viure de moments de nauta tension. Dempuèi mai de cinc nuèches, de grops unionistas s’afrontan a las fòrças de seguretat a Béal Feirste (Belfast) per reclamar que se torne plaçar la bandièra del Reialme Unit a l’ostal de la comuna. Los manifestants an lançat d’explosius faches a l’ostal e de balas de gòlf contra los policièrs, e mai an brandat de bandièras unionistas, del temps que los agents los an estancats amb de balas de goma e de canons d’aiga de pression.
 
Lo cap de la polícia de l’Irlanda del Nòrd, Matt Baggott, a explicat que de dròlles qu’avián dètz e onze ans an participat als atacs contra los agents qu’ensajavan de dissòlver las susmautas. Dempuèi dijòus passat, qualques cinquanta policièrs son estats ferits e mai d’un centenat de manifestants son estats arrestats.
 
Las riòtas comencèron lo 12 de decembre passat quand lo conselh municipal de la vila nòrd-irlandesa decidiguèt que la bandièra unionista i seriá sonque dètz e sèt jorns per an.
 
Lo primièr ministre nòrd-irlandés, l’unionista Peter David Robinson, a declarat qu’aquela lei es “precipitada e provocaira”, mas a demandat als manifestants qu’agiscan pas de faiçon violenta. 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Camba Cerès Ais de Provença
3.

Mi demandi çò que se passariá se d'irlandés d'Irlanda dau nòrd anèsson manifestar a Londres ?

  • 4
  • 1
Terric Lausa Quilhan
2.

A Belfast lor manca François Thonier per se mainar de las bandièras britanicas!
;-)

  • 6
  • 1
Pirolet
1.

Quand òm vei que de diagos participan a las susmautas, òm pòt pas ésser sens se remembrar los soldats mainatges de l'islamisme radical. Aquel mond que se volguèt un jorn modèl de civilisacion -los angleses colonisaires vòli dire- son pas que de barbars integristas. E lo Peter David un manèfle de campionat.

  • 2
  • 1

Escriu un comentari sus aqueste article