Bandièra01 1180x150: Comuna de Tolosa

Actualitats

Portland: las maires protegisson los manifestants antiracistas

“Daissatz en patz nòstres enfants”, çò dison en fasent de parets umanas entre los agents federals e los manifestants del temps que denóncian “l’agressivitat policièra”

Dos meses après la mòrt de George Floyd estofat per un policièr a Minneapòlis, las protèstas contra lo racisme e per la justícia sociala son totjorn vivas als Estats Units e endacòm mai. A Portland, en Oregon, se denóncia dempuèi qualques jorns d’abuses de poder e se demanda que se retiren los agents federals enviats pel president Donald Trump per reprimir las protèstas. A mai, se son mobilizadas las maires dels manifestants.
 
Vestidas de blanc e jaune amb de casquos de bicicleta fan de murs umans entre los manifestants e los policièrs en cridant “daissatz nòstres enfants en patz”. Dison qu’atal protegisson los manifestants de “l’agressivitat policièra” qu’ataca los manifestants amb de gases lacrimogèns.
 
De son caire, Trump assegura que las fòrças federalas i son “a la demanda de las autoritats” e per “manténer l’òrdre” en assegurant que la situacion aquí es “fòra contraròtle”.
 
Mentretant, los manifestants de tot lo país espèran que l’èrsa de protèstas se tresmude en un cambiament social tant important coma lo que revendicava Martin Luther King fa mai de 50 ans.
 
 
   

abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bren Loís Califòrnia
6.

Lo cònsol de Portland e la governadora an tots dos demandat las fòrças federalas (que fan d'atacas e d'arrestacionn amb pas cap d'insígnia o autras fòrmas d'identification) de partir e an despuèi enseguit qualquas agéncias del govèrn federal. Lo consòl foguèt tanben atacat amb de gases lacrimogèns per last forças federalas. Las accions de las fòrças federalas a Portland son illegitimas, illegalas e indésirables.

  • 3
  • 1
Bren Loís Califòrnia
5.

Lo cònsol de Portland e la governadora an tots dos demandat las fòrças federalas (que fan d'atacas e d'arrestacionn amb pas cap d'insígnia o autras fòrmas d'identification) de partir e an despuèi enseguit qualquas agéncias del govèrn federal. Lo consòl foguèt tanben atacat amb de gases lacrimogèns per last forças federalas. Las accions de las fòrças federalas a Portland son illegitimas, illegalas e indésirables.

  • 4
  • 1
Franc Bardòu
4.

#3 Es possible, un proparoxiton d'aquela mena en occitan modèrne ? M'estonariá…

  • 3
  • 0
Mèfi! 31
3.

"Minneàpolis" ambe le quich corrèct...

  • 1
  • 2
Batko
2.

#1 Hmmm, lavetz per de qué saberam qui a tuat Kennedy, etc, sonque se lo Trump es tornat elegit e pas ara qu'es dejà president ?
D'un aute costat, comprengui pas pr'amor los militants antiracistas pòscan agir per la mafia que possedís los mèdias. me sembla complicat com montatge organizacionau.

  • 5
  • 11

Escriu un comentari sus aqueste article