Bandièra01 capçalera 1180x150: Botiga

Actualitats

InternacionalPolitica

Los presonièrs politics catalans tornan dins un regim d’embarrament total

Dempuèi lo 14 de julhet podián passar qualques oras per jorn e las dimenjadas a lors domicilis. Mas una manòbra de la justícia e del ministèri public espanhòls los a tornats embarrar de tot en tot

Los presonièrs politics catalans tornan en preson dins un regim d’embarrament total. Dempuèi lo 14 de julhet passat, los presonièrs politics catalans devián dormir dins la preson de diluns a dijòus e podián passar las dimenjadas a l’ostal. Mas una manòbra de la justícia e del ministèri public de l’estat espanhòl los a tornats embarrar de tot en tot. O publicàvem dissabte dins Jornalet: la Cort Surprèma espanhòla se veniá d’atribuir un poder que l’aviá pas. Atal solament li caliá la demanda del ministèri public per enebir sul pic que los presonièrs politics catalans poguèsson viure fòra de la preson qualques oras per jorn. Lo ministèri public faguèt aquela sollicitacion dimars.
 
Pasmens, los procuraires an depausat un recors contra los permeses de totes los presonièrs politics catalans franc de Josep Rull, Jordi Turull e Dolors Bassa.
 
 
Venjança
 
L’aplicacion de l’article 100.2 es (o èra) una competéncia exclusiva de las dichas audiéncias provincialas, de tribunals que correspondon a caduna de las províncias, que pòdon concedir de permeses de sortida als presonièrs. Atal, los presonièrs independentistas catalans gaudissián dempuèi la setmana passada d’un regim dobèrt que lor permetiá de passar qualques oras per jorn en cò lor e quitament las dimenjadas.
 
Tanlèu beneficiar d’aquel regim, los presonièrs autregèron d’entrevistas dins los mèdias (de soslinhar las entrevistas de Jordi Cuixart, de Josep Rull, de Raül Romeva e d’Oriol Junqueras) e recebèron d’omenatges. Per aquela rason, los presonièrs politics an interpretat aquel putsch judiciari coma una punicion e una venjança.


Reaccions
 
 

 
 
 
 
 
 
 
abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
4.

#2 A mon punt de vista, de Guardamar fins a Gueret, sèm un meteis pòble, desseparat per doás coronas, una, castilhana, e l'autra, francesa. Mas non son ni los Castilhans, ni los Franceses que decidisson de çò que sèm.

  • 7
  • 0
sempre endavant, mai morirem !
3.

#2 Cal pas desbrembar que Jornalet es fach a l'iniciativa de Catalans e a Barcelona. Mercés a eles. I a pas l'equivalent numèric de Jornalet dins Occitània tota, país de mai de 15 milions d'estatjants !
Ieu, ai fòrça interés per l'actualitat catalana.
Basta als occitans de far que i aja mai d'actualitat occitana sus Jornalet !

  • 16
  • 1
Abram Auvèrnha
2.

Bonser. D'en promèir, vos voliá felicitar de vòste trabalh franc qualitós de socialisacion de la linga. Pasmens vos voliá mai faire una petiòta critica. Siajatz segur qu'aquò es pas una critica mauvolenta, mas las novelas a prepaus de Catalonha venon omnipresentas e me pense que Jornalet auriá de se sarrar mai de las preocupacions dau monde d'Occitània davant que venguèsse lo jornau occitan de Catalonha...

  • 2
  • 5
Franc Bardòu
1.

Los presonièrs politics catalans tornan dins un regim d’embarrament total ; tant val dire que tornan a un regime franquista.

  • 14
  • 2

Escriu un comentari sus aqueste article