Actualitats
Tolosa: una familha afgana que demanda l’asil a pogut sortir de l’aeropòrt de Blanhac après i aver esperat dètz jorns
Èran blocats dins una zòna d’espèra de l’aeropòrt de la Ciutat Mondina. Ara son a l’espèra de saber se l’asil lor es concedit o se devon quitar l’estat francés
Aqueste dimars 18 d’agost, un tribunal administratiu de Tolosa, a permés a una familha afgana de depausar una demanda d’asil, de far los procediments necessaris per regularizar sa situacion e de quitar l’aeropòrt de Blanhac. Fasiá dètz jorns qu’èran blocats dins una zòna d’espèra de l’aeropòrt de la Ciutat Mondina. S’agís d’un parelh e de sos enfants de 4, 10 e 14 ans, çò rapòrta La Dépêche.
Arribèron a Tolosa l’8 d’agost passat en sortissent d’Atenas. Aquí foguèron interpelats car segon lors papièrs podián pas intrar dins l’estat francés. La polícia de las frontièras los prenguèt en carga e los placèt dins la zòna d’espèra de l’aeropòrt. Segon lo Cercle dels Vesins del centre de retencion de Còrnabarriu, patiguèron “mai de 9 oras sens cap de manjar”. De fach, los policièrs reconeguèron “una error” davant lo jutge, dijòus passat.
Lo Cèrcle dels Vesins a ensajat de trobar una solucion de lotjament provisòri per aquela familha, mas aquesta es plaçada jos l’aparament de las autoritats de l’estat. Ara son a l’espèra de saber se l’asil lor es concedit o se devon quitar l’estat francés.
D’interprèts que comprenon pas
Tre que foguèron arribats de Grècia, la familha aviá demandat l’asil en França, çò qu’es pas estat aisit. L’Ofici francés d’aparament dels refugiats e apatridas (OFPRA) lor ofriguèt un interprèt telefonic de la region parisenca e puèi un autre interprèt tolosan, mas arribèron pas de comunicar amb cap dels interprèts. Es fòrça estranh car la familha parla lo dari, una varianta de la lenga persana. Lo dari es la lenga pus espandida d’Afganistan, una de las doas lengas oficialas del país e quitament mestrejada per fòrça parlaires d’autras lengas d’aquel país.
Cachavièlha en Grècia
Fugissián l’illa de Lèsbos, ont avián trobat refugi pendent un temps e quitament una pension de 290 èuros mesadièrs. Darrièrament, lor tirèron aquela pension e eles aguèron pas pus de nòvas de lor demanda d’asil al país ellèn. Per aquela rason, anèron a Atenas prene un avion devèrs un país de l’UE mens ostil envèrs los refugiats.
Arribèron a Tolosa l’8 d’agost passat en sortissent d’Atenas. Aquí foguèron interpelats car segon lors papièrs podián pas intrar dins l’estat francés. La polícia de las frontièras los prenguèt en carga e los placèt dins la zòna d’espèra de l’aeropòrt. Segon lo Cercle dels Vesins del centre de retencion de Còrnabarriu, patiguèron “mai de 9 oras sens cap de manjar”. De fach, los policièrs reconeguèron “una error” davant lo jutge, dijòus passat.
Lo Cèrcle dels Vesins a ensajat de trobar una solucion de lotjament provisòri per aquela familha, mas aquesta es plaçada jos l’aparament de las autoritats de l’estat. Ara son a l’espèra de saber se l’asil lor es concedit o se devon quitar l’estat francés.
D’interprèts que comprenon pas
Tre que foguèron arribats de Grècia, la familha aviá demandat l’asil en França, çò qu’es pas estat aisit. L’Ofici francés d’aparament dels refugiats e apatridas (OFPRA) lor ofriguèt un interprèt telefonic de la region parisenca e puèi un autre interprèt tolosan, mas arribèron pas de comunicar amb cap dels interprèts. Es fòrça estranh car la familha parla lo dari, una varianta de la lenga persana. Lo dari es la lenga pus espandida d’Afganistan, una de las doas lengas oficialas del país e quitament mestrejada per fòrça parlaires d’autras lengas d’aquel país.
Cachavièlha en Grècia
Fugissián l’illa de Lèsbos, ont avián trobat refugi pendent un temps e quitament una pension de 290 èuros mesadièrs. Darrièrament, lor tirèron aquela pension e eles aguèron pas pus de nòvas de lor demanda d’asil al país ellèn. Per aquela rason, anèron a Atenas prene un avion devèrs un país de l’UE mens ostil envèrs los refugiats.
Une famille afghane libérée après 10 jours de détention à l’aéroport de Toulouse https://t.co/Ke3D0dN8zu via @Le Journal Toulousain, journal de solutions et JAL
— Cercle des Voisins (@cercleDvoisins) August 19, 2020
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'acuèlh, segur, non es pas plan famós. E encara, non es grand causa en comparason de l'acuèlh reservat, fa 80 ans, als republicans catalans, basques e castelhans que fugission la repression salvatja de las rasclanhas franquistas… Lo nòstre sens de l'acuèlh demòra absoludament legendari e deu assolidar nòstra reputacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari