Actualitats
Assassinat de Khashuqji: los Estats Units asseguran que lo prince eiretièr saudian l’aprovèt
Washington impausa pas de sancions. Lo govèrn saudian rebuta las acusacions
Los Estats Units considèran qu’es demostrat que lo prince eiretièr de l’Arabia Saudita, Muhammad Bin Salman, autorizèt l’assassinat del jornalista Jamal Khashuqji (sovent transcrich Khashoggi), que trabalhava pel Washington Post. Totun, lo govèrn estatsunidenc li impausarà pas cap de sancion. Un rapòrt desclassificat dels servicis d’intelligéncia afirma que lo cap de l’operacion èra Ahmad Hassan Muhammad Al Asiri, èx-joscap de l’intelligéncia saudiana.
Lo rapòrt manifèsta que Bin Salman ten lo contraròtle de las organizacions de la seguretat e de l’intelligéncia, e qu’“es extrèmament improbable que los agents sauditas menèsson a tèrme una operacion d’aquela natura sens l’autorizacion del prince”. A mai, sèt gàrdias reials als òrdres de Bin Salman participèron a l’assassinat jols òrdres de Saud Al Qathani, un conselhièr del prince, çò ditz lo rapòrt.
Khashuqji, dissident saudian e jornalista exiliat, foguèt sequestrat, assassinat e desmembrat en 2018 en Turquia pendent una vesita al consolat de l’Arabia Saudita a Istambol. Èra fòrça critic envèrs lo regim saudian e lo prince eiretièr.
Lo Ministèri dels Afars estrangièrs de l’Arabia Saudita a refusat las acusacions del rapòrt. An sostengut aquel refús los Emirats Arabis Units, Bahrayn e Kowait, aliats del regim saudian.
Lo rapòrt manifèsta que Bin Salman ten lo contraròtle de las organizacions de la seguretat e de l’intelligéncia, e qu’“es extrèmament improbable que los agents sauditas menèsson a tèrme una operacion d’aquela natura sens l’autorizacion del prince”. A mai, sèt gàrdias reials als òrdres de Bin Salman participèron a l’assassinat jols òrdres de Saud Al Qathani, un conselhièr del prince, çò ditz lo rapòrt.
Khashuqji, dissident saudian e jornalista exiliat, foguèt sequestrat, assassinat e desmembrat en 2018 en Turquia pendent una vesita al consolat de l’Arabia Saudita a Istambol. Èra fòrça critic envèrs lo regim saudian e lo prince eiretièr.
Lo Ministèri dels Afars estrangièrs de l’Arabia Saudita a refusat las acusacions del rapòrt. An sostengut aquel refús los Emirats Arabis Units, Bahrayn e Kowait, aliats del regim saudian.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Arabia Saudita, Kwait, Los Emirats Arabis Units i Bahrein, lo capitalisme salvatge e calor a las totas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari