Bandièra01 1180x150: País Invisible

Actualitats

Birmania: lo govèrn putschista mòstra a la television d’imatges de detenguts torturats

Segon l’Associacion d’Assisténcia als Presonièrs Politics del país, s’agís d’una estrategia dissuasiva, per ensajar d’arrestar las manifestacions

Tèxte legit

Après fusilhar e tuar de manifestants amb de balas realas, la repression del govèrn putchista de Birmania va mai luènh. An publicat a la television d’imatges de joves detenguts, quatre dròlles e doas dròllas, amb la cara sagnosa e de marcas de torturas. Segon l’Associacion d’Ajuda als Presonièrs Politics d’aquel país (AAPP), s’agís d’una estrategia dissuasiva, per ensajar d’arrestar las manifestacions. L’AAPP se declara fòrça inquieta pels detenguts a causa de las toturas e sustot pr’amor que son en un endrech desconegut.
 
Los sièis joves son acusats d’aver lançat una bomba contra un bastiment governamental. Mas l’oposicion avertís que lo conselh militar que govèrna ara Birmania fa sovent de denóncias messorguièras.
 
E, malgrat la terror de la repression e un blocatge total de l’accès a Internet, las protèstas contunhan. Los manifestants revendican lo restabliment de la democracia e la liberacion dels detenguts. Dempuèi lo 1r de febrièr se compta almens 737 mòrts e mai de 3200 detenguts.
 
 
Crida a la comunautat internacionala
 
Lo Ret per la Documentacion dels Dreches Umans fa una crida a la comunautat internacionala per arrestar los abuses. Aquel ret internacional d’associacions umanitàrias enquista dempuèi 2014 sus las violacions dels dreches umans en Birmania e assegura que lo fach que l’armada mòstre dobèrtament aqueles imatges “es una pròva de la cruseltat”, una cruseltat deguda al fach “que dempuèi de decennis degun aja pas mes en question lors accions”.
 
De son caire, lo govèrn de Japon exigís la mesa en libertat d’un jornalista japonés de 45 ans que demòra en Birmania.
 




abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Mai fòrt que Potin, aqueles d'aquí ! Se vantan de ors maafachas ! Tot aquò per far paur al pòble. Coma os mafiosi.

  • 1
  • 0
francesc palma
1.

Aquesta es la cara reala de las dictaduras militaras. Los filhs de la gran puta !

  • 7
  • 0

Escriu un comentari sus aqueste article