Actualitats
Una nòva letra de militars franceses en activitat menaça d’una “guèrra civila” contra lo govèrn e “l’islamisme”
La letra sosten la declaracion insurreccionala de 1500 militars retirats que fasián una arenga islamofòba e reaccionària
Tèxte legit
Un grop de militars franceses, aqueste còp en activitat, an publicat un autre article d’opinion dins la revista ultraconservatritz Valeurs Actuelles ont avertisson del risc d’una intervencion militara contra lo govèrn francés e quitament d’una possibla “guèrra civila” per frenar “l’esfondrament” cultural e social que, çò dison, lo patís França. La letra sosten la declaracion insurreccionala publicada fa doas setmanas dins la meteissa revista, dins la quala 1500 militars retirats e 18 actius signèron una arenga islamofòba e reaccionària. Dins lo tèxt, los militars parlavan de la desagregacion de França, criticavan l’antiracisme e l’islamisme, e se mostravan “dispausats a sosténer las politicas que prendrián en consideracion la salvagarda de la Nacion”.
Aqueste còp, la letra es anonima e i an aderit mai de 200 000 personas, segon lo sit de la revista mençonada, qu’encoratja lo mond a la signar. La ministra francesa de la defensa, Florence Parly, a denonciat que la letra emplega lo “lengatge de l’extrèma drecha” que, a son vejaire, representa pas l’ensemble de las fòrças armadas.
Los signataris de la nòva letra pretendon d’aver combatut en divèrses ponches de l’Africa Centrala e de l’Orient Mejan, e d’aver “ofèrt lor pèl per destruire l’islamisme” al qual lo govèrn e los parlamentaris farián “de concessions” sus lor sòl.
Aqueste còp, la letra es anonima e i an aderit mai de 200 000 personas, segon lo sit de la revista mençonada, qu’encoratja lo mond a la signar. La ministra francesa de la defensa, Florence Parly, a denonciat que la letra emplega lo “lengatge de l’extrèma drecha” que, a son vejaire, representa pas l’ensemble de las fòrças armadas.
Los signataris de la nòva letra pretendon d’aver combatut en divèrses ponches de l’Africa Centrala e de l’Orient Mejan, e d’aver “ofèrt lor pèl per destruire l’islamisme” al qual lo govèrn e los parlamentaris farián “de concessions” sus lor sòl.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vaqui çò qu'arriva quora la drecha "classica" se fot a reprene las idèias e acusacions dels extremistas. Trapavan practique d'acusar l'UNEF, los universitaris e una partida de l'esquèrra francesa d'"islamo-esquerrisme" a de fins electoralas, e mai aquò aja pas cap de sens; ara los fascistas descomplexats menaçan d'una guèrra civila bailejada per l'armada.
Meme s'es qu'una vista de l'esperit, siam tornats dins leis annadas 20... De pertot, lo faissisme torna, s'afortisse, e fa de cridas a la revolucion reaccionària (Exactament çò que diguèt Eric Zemmour e Onfray un autre jorn sus CNews).
Còntra la creissença nova dei moviments sociaus basats sus de demandas concrètas e materialas de cambiaments economics e sociaus, lo sistèma capitalista e liberau s'es bastit un racònta identitari e moralista, aisadament prés per lei medias, e que sostenguèt l'afortiment dei poténcias faissistas coma au dintre de l'armada o sus CNews o Valors Actualas.
L'antifaissisme torna èstre, malurosament, una lucha d'actualitat e una lucha necessària. La Vena Republica s'es bastida gràcias a l'armada, après un còp d'Estat sostengut per lei faissistas (Aquelei que fèron De Gaulle president èran en granda partida partidaris d'Argeria francesa e sostèns de Franco), e vuei l'armada vòu un ròtle politic nòu.
Fa de temps que sabèm que leis institucions de repression coma l'armada e la polícia son plenas de reaccionaris, mai ne'n vesiam pas lei consequéncias. Ara son vesedoras. Se Le Pen arriba quasi au poder en 2022, poiriá demandar l'intervencion de l'armada per ela. S'arriba au poder veraiament, mai que vòu pas lo laissar en 2027, poiriá tanben demandar l'ajuda de la polícia e de l'armada, qu'auriá afortit pendent son mandat entier.
La menaça dau faissisme es ben aquí, es ben pròcha, e França es lèsta per i tombar.
Expulsions de l'exercit e que perdan la paga. Durant l' expedient an de daissar de cobrar la super paga que cobran. Se son culpables, a la preson sense cobrar ni cinc.
S'alestissian de vertat un còp d'estat, aqueles professionals s'amusarian pas a vos prevenir a l'abança. Que quand òm vòl far un còp d'estat la precaucion la pus elementària es de gardar aquò secret jos pena de tot far quincanelar.
Doncas la tèsi del putsch que brandissan los mediàs per, coma d'acostuma, quichar dins lo sensacional e jogar a se far paur i cresi pas de tot.
Per contra es vertat qu'aquesta peticion rebata la drechisacion extrèma de la societat, portada entre autres pels mediàs eles-quita, que son totis al servici de las elitas dirigentas que ne son d'alhors proprietàrias . Se regalan de vojar d'òli sul fuòc en atissant lo racisme e lo nacionalisme al dintre de las societats d'occident e tanben d'endacòm mai.
https://www.youtube.com/watch?v=lKkbNGNO5IY
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari