Bandièra01 1180x150: Comuna de Tolosa

Actualitats

Lo Conselh d’Euròpa exigís la libertat dels presonièrs politics catalans, lo retorn dels exiliats e la fin de la repression

L'assemblada parlamentària a aprovat un rapòrt que compara Espanha amb Turquia e soslinha la desproporcion de las senténcias contra los independentistas catalans

Tèxte legit

L’assemblada parlamentària del Conselh d’Euròpa aprovèt diluns de ser lo rapòrt del Comitat dels Dreches Umans del Conselh d’Euròpa ont se compara Espanha amb Turquia e s’exigís la mesa en libertat dels presonièrs politics catalans, lo retorn dels que son en exili e la fin de la repression contra los independentistas catalans. Lo rapòrt foguèt aprovat per 70 vòtes en favor e 28 contra, e tombèt los emendaments que los prepausavan los dos partits espanhòls màgers, lo PSÒE e lo PP, que volián amendrir lo ton de las criticas.
 
Lo rapòrt demanda a las autoritats espanhòlas que càmbien lo còde penal per que se reforme los delictes de “rebellion” e “sedicion”, que se despenalize l’organizacion de referendums considerats illegals e que s’elimine la possibilitat de penas talament desproporcionadas per “de transgressions non violentas”. S’i apond la demanda que “se considère la gràcia o l’excarceracion” dels presonièrs “condemnats per lor ròtle dins l’organizacion del referendum inconstitucional e de las manifestacions multitudinàrias pacificas qu’i son restacadas”. E mai exigís que se quite de perseguir los que son en exili e los nombroses èx-nauts responsables acusats a l’espèra d’un jutjament “restacat al referendum de 2017”.
 
 
Un debat intens
 
Lo debat foguèt intens. Los partits espanhòls PSÒE e PP prepausèron, de badas, d’eliminar la partida del rapòrt que demanda que se quite de penalizar los referendums, la qu’exigís que se retire los mandats d’arrèst europèus, e que non se mençonèsse pas las persecucions contra l’èx-president Quim Torra e d’autres nauts foncionaris de la Generalitat de Catalonha. A mai, avián demandat que se levèsse la comparason amb Turquia e la referéncia a la repression d’aquel país contra los curds. Dins aquel sens, d’associacions de jutges conservators espanhòls faguèron pression contra l’aprobacion del rapòrt.
 
L’assemblada refusèt, totun, l’emendament suggerit pels independentistas catalans que volián que se mençonèsse l’amnestia.
 
 
Criticas de Madrid
 
Lo ministèri dels afars estrangièrs de l’estat espanhòl a criticat lo rapòrt en considerant que qualques resolucions son “incoerentas”, e planh que se compare Espanha amb Turquia. A mai, assegura que lo rapòrt interferís dins la separacion dels poders.
 
 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
15.

#14
"Al bot d'un moment, repetar encar e encar lo meteis messatge es pas plus tant dròlle, te cal renovelar."
Ce ditz lo tipe qui sou trollejar tots los hius de discussion en repepiar shens cès ni pausa las medishas conerias... :-D :-D :-D

  • 9
  • 0
Amīcus Emmanuelis Macrōnis
14.

#12 Al bot d'un moment, repetar encar e encar lo meteis messatge es pas plus tant dròlle, te cal renovelar.

  • 0
  • 4
ltrobat
13.

#12 Malaja! Los aujamis d'aqueth escantilh que son hèits com los cans entà nhacar lo monde (com at diseré lo pair). Que'u nse vam déver shucar per un moment enqüèra.

  • 3
  • 0
Alex Benallus-Belanus Elisèu
12.

#10 Papièr-Cuolus Macronus, fai ta tasca grandiosa en silenci e calha-te !

  • 5
  • 3
ltrobat
11.

#10 Que'vs pregui de'm desencusar, ne sabi pas qu'èri en preséncia d'un conselhèr deu president Macron. Hilh de puta de macarèu, que soi tot espantat d'aver de har dab quaqu'un de tant poderós!
Pensatz, un tipe qui m'explica que va har avançar las causas en tribalhant dab lo president!
Que lo cuu me pèla se'm trufi de vos un còp mei!!

  • 7
  • 1

Escriu un comentari sus aqueste article