Actualitats
La justícia espanhòla a destituit lo president de la Generalitat de Catalonha
Ven de confirmar la destitucion de Quim Torra per aver refusat de retirar una bandeiròla que reclamava la libertat dels presonièrs politics
La justícia espanhòla ven de destituir lo president de la Generalitat de Catalonha. La Cort Suprèma espanhòla a confirmat la pena d’un an e mièg d’inelegibilitat contra Quim Torra per aver refusat de retirar una bandeiròla que reclamava la libertat dels presonièrs politics. A mai los jutges confirman que Torra deu pagar una multa de 30 000 èuros.
Torra es lo primièr president de la Generalitat de Catalonha que ven destituit en plen exercici, e lo tresen consecutiu a èsser represalhat per la justícia espanhòla. Son predecesor, Carles Puigdemont, es en exili en Belgica del temps qu’Artur Mas lo declarèron inelegible per aver organizat una consultacion populara lo 9 de novembre de 2014.
Los jutges considèran que la bandeiròla èra pas una question de libertat d’expression mas una accion de desobesisença “testuda e obstinada”.
Mentretant, Quim Torra contunha uèi e far sa jornada normala coma president e seguirà atal mentre que receba pas cap de notificacion. Se presentan ara divèrsas ipotèsis sus l’avenir de las institucions catalanas, qu’ensajarem de raportar coma cal sus Jornalet. Vilaweb es a raportar sus aqueste afar en dirècte.
Tot aquò per una bandeiròla
Per las eleccions legislativas d’abril de 2019, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbòls partisans que podián influenciar lo vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
Torra es lo primièr president de la Generalitat de Catalonha que ven destituit en plen exercici, e lo tresen consecutiu a èsser represalhat per la justícia espanhòla. Son predecesor, Carles Puigdemont, es en exili en Belgica del temps qu’Artur Mas lo declarèron inelegible per aver organizat una consultacion populara lo 9 de novembre de 2014.
Los jutges considèran que la bandeiròla èra pas una question de libertat d’expression mas una accion de desobesisença “testuda e obstinada”.
Mentretant, Quim Torra contunha uèi e far sa jornada normala coma president e seguirà atal mentre que receba pas cap de notificacion. Se presentan ara divèrsas ipotèsis sus l’avenir de las institucions catalanas, qu’ensajarem de raportar coma cal sus Jornalet. Vilaweb es a raportar sus aqueste afar en dirècte.
Tot aquò per una bandeiròla
Per las eleccions legislativas d’abril de 2019, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbòls partisans que podián influenciar lo vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#10 Freddy, Freddy, per que votas negatiu tants de cops los comentaris que t'agradon pas? Aquo cambia pas res X-D
E ben ! Sembla que lo govèrnament espanhòl s'es pagat un tròl per pocetar de rotge totes los avises democratics.
Òsca Espanha!
Un president autonomic obeís pas una òrdre de la justícia, a mai se'n carra, e es inabilitat. Es una accion politica, amb una intencion descaradament persecutòria? Benlèu òc. Fin finala, s'agís que d'una bandeiròla e Torra es un president elegit pel pòble. Mas pòt qualqu'un qüestionar lo rasonament de la justícia davant lo comportament d'un president autonomic (e vòli destacar l'adjectiu "autonomic")? Torra nos vòl menar a l'independéncia, mas sap pas cossí o far (aquò o sap pas degun). Sas accions coma president, doás: malparlar d'Espanha e de son govèrn, per un costat, e prometre trabalhar pel bastiment de la Republica Catalana. Es pas un dangièr real per l'unitat d'Espanha, del biais que la "justícia politica" se'n pòt plan trufar. E de pensar que ièr los revolucionaris metèron a brutlar de contenedors per l'inabilitacion d'un president autonomic e ultraliberal!
Destituir un elegit independentista pr'amor d'una bandeiròla independentista? Cal èsser logic, a Madrid, e interdire los partits independentistas.
Destituir un elegit que demanda la liberacion de presonièrs politics que quitament l'UE a reconeguda coma injustament detenguts, deuriá èsser l'escasença per l'UE de dire qu'aquesta cort passa l'òsca. Esperem.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari