Actualitats
La Cort Suprèma espanhòla es a decidir se destituís lo president de la Generalitat de Catalonha
Cinc jutges de Madrid decidiràn dins los jorns avenidors se destituisson Quim Torra, çò que seriá un fach inedit, mas probable
Lo president de la Generalitat de Catalonha, Quim Torra, compareguèt ièr a miègjorn davant los jutges de la Cort Suprèma de Madrid, que deu decidir de sa destitucion. L’avián jutjat en novembre de l’an passat per aver mantengut sul balcon del palais de la Generalitat una bandeiròla que demandava la libertat dels presonièrs politics, çò que lo Conselh Electoral de l’estat espanhòl aviá enebit. Ara, cinc jutges de la segonda sala de la Cort Suprèma espanhòla devon decidir dins los jorns avenidors se destituisson lo president catalan, çò que seriá un fach inedit, mas probable.
L’avocat del president catalan, Gonzalo Boye, assegurèt que s’èra mancat al drech a la libertat d’expression dels representants politics e diguèt als jutges que se fasiá una persecucion de la “minoritat nacionala catalana”. Dins son argumentacion, Boye defendèt que lo Conselh Electoral a pas drech d’obligar lo president que retire una bandeiròla. Lo ministèri public e la partida civila, lo partit ultradrechista Vox, argumentèron que lo president catalan aviá “adaptat las règlas segon sa convenença” e qu’aviá profechat d’aquel procès per far una campanha politica.
“Puniment de tot un país”
Après la sesilha, Torra compareguèt davant los mèdias e parlet sens sal ni pèbre. “Aquò es pas un puniment de ieu per la bandeiròla, mas de tot un país al mitan d’una pandemia”. Dins aquel sens, Torra faguèt una longa lista de grèuges que l’estat espanhòl a causats a Catalonha e al movement independentista.
“Vivèm dins un estat que calciga las nocions pus basicas de la democracia”, çò diguèt en soslinhant que “totes los aparelhs de l’estat se son activats per evitar la reüssida d’un projècte democratic e pacific. Diguèron que democraticament e pacificament poiriam parlar de tot, e avèm uèi de mond en exili per de delictes d’opinion, e de mond que passan 23 oras sus 24 dins una cellula. Nos ven dirèctament al cap la violéncia policièra del 1r d’octòbre. Quina messorga!”.
Es atal que Torra encastrèt sa destitucion dins “aquela tièra d’ipocrisias”.
Tot aquò per una bandeiròla
Per las eleccions legislativas d’abril de 2019, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbòls partisans que podián influenciar lo vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
L’avocat del president catalan, Gonzalo Boye, assegurèt que s’èra mancat al drech a la libertat d’expression dels representants politics e diguèt als jutges que se fasiá una persecucion de la “minoritat nacionala catalana”. Dins son argumentacion, Boye defendèt que lo Conselh Electoral a pas drech d’obligar lo president que retire una bandeiròla. Lo ministèri public e la partida civila, lo partit ultradrechista Vox, argumentèron que lo president catalan aviá “adaptat las règlas segon sa convenença” e qu’aviá profechat d’aquel procès per far una campanha politica.
“Puniment de tot un país”
Après la sesilha, Torra compareguèt davant los mèdias e parlet sens sal ni pèbre. “Aquò es pas un puniment de ieu per la bandeiròla, mas de tot un país al mitan d’una pandemia”. Dins aquel sens, Torra faguèt una longa lista de grèuges que l’estat espanhòl a causats a Catalonha e al movement independentista.
“Vivèm dins un estat que calciga las nocions pus basicas de la democracia”, çò diguèt en soslinhant que “totes los aparelhs de l’estat se son activats per evitar la reüssida d’un projècte democratic e pacific. Diguèron que democraticament e pacificament poiriam parlar de tot, e avèm uèi de mond en exili per de delictes d’opinion, e de mond que passan 23 oras sus 24 dins una cellula. Nos ven dirèctament al cap la violéncia policièra del 1r d’octòbre. Quina messorga!”.
Es atal que Torra encastrèt sa destitucion dins “aquela tièra d’ipocrisias”.
Tot aquò per una bandeiròla
Per las eleccions legislativas d’abril de 2019, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbòls partisans que podián influenciar lo vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Eran los del PP e ara son los mateissos jutges, que amb lo permís de lo govern actual que ten la barra de dire que no an pas de politizar la politica. Ai cola d'aubercocs !
#2 Un pauc d'onestetat fa pas de mal.
E l'onestetat obliga a dire que li daisson pas far res.
Quand lo president Torra volguèt protegir los catalans del Covid, lo govèrnament central lo n'empachèt, fasent pèrdre aital una preciosa setmana que fa que Catalonha es un dels países mai infectats d'Espanha... après la Comunautat de Madrid, mas cal veire los arlèris que la bailèjan ! E lo Sáchez aguèt lo fetge de deandar als estudiants de medecina de Barcelona d'anar far rodèl a Madrid amb lo trabalh qu'i a en Catalonha.
#2 A la practica, plan segur, tot prepaus electoral per se far elegir "representant d'un pòble" participa fin finala de la meçorga. Mas enfin, son los ciutadans de Catalalonha qu'an elegit aqueste òme, aparten a eles sonque de lo destituïr o non, per las rasons qu'indicas, per exemple… e non pas una una cellula decisionala a pro pena cripto fascista castelhana. Sonque lo pòble dins on entièr pòt esperar fidèlament representar lo pòble. Aquò se ditz la democracia dirècta, experimentada a Barcelona entre 1936 e 1938.
Bon, se lo destituisson daissarem d'aver un president que fa pas res. Sonque m'arranca de pagar la messorga electorala.
La Cort Suprèma espanhòla es a decidir se destituís o non lo president de la Generalitat de Catalonha e se, aital, decidís de mespresar un còp de mai la legitimitat democratica electiva dels "representants del pòble" : per consequent, e plan logicament, la dita "Còrt Surpèma" es lo braç armat de la dictaura reialista espanhòla, a l'evidéncia e manifèstament.
Personalament, non li tròba grand causa de suprèma, se que non l'autoritat dictatoriala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari