La 26a cima del clima de las Nacions Unidas (COP26) s'acabèt dissabte passat a Glasgow amb un acòrdi clarament insufisent. Aquel acòrdi, pachat in extremis, demanda basicament als estats que tornen l’an que ven a la COP27 amb de plans mai especifics per combatre l’escalfament global, e que los païses mai desvolopats ajuden los autres. Concretament, lor demanda de doblar gaireben l’ajuda als païses que ne subisson mai las consequéncias. Pasmens, l’acòrdi establís pas la quantitat ni la rapiditat que cada estat deu metre en òbra per reduire las emissions. Aquela decision decep fòrça los activistas, qu'avertisson que i a pas de temps a pèrdre en debats d’intencions.
 
L’acòrdi final de la COP26 se pòt considerar leugièrament positiu dins lo sens qu’establís un consens mondial sul fach que cal agir immediatament, e que ditz que totes los estats devon far mai que çò qu’efectuan per frenar lo cambiament climatic. S’i marca qualques mesuras prioritàrias, coma la reduccion de las emissions de dioxid de carbòni e del gas metan, mas lo pache non precisa pas çò que ni qual son responsables d’aquelas emissions.
 
L’acòrdi afeblís quitament los tèxtes precedents, pr’amor que parla d’una “reduccion progressiva” del carbon, quand abans se’n exigissiá “l’eliminacion progressiva”. Aquel cambiament foguèt demandat per Índia e es estat fòrtament criticat per d'estats coma Soïssa, las illas Marshall e Mexic.
 
D’autre caire, qualques estats an fach de paches entre eles, al marge de la COP26. De soslinhar qu’una quarantena d’estats trabalharàn ensems per rendre melhor mercat l’electricitat, las veituras electricas, l’acièr e l’idrogèn. Tanben 450 bancas se son engatjadas a utilizar las finanças per avançar dins la reduccion totala d’emissions. De lor latz, los Estats Units e China son d'acòrdi per cooperar per agir contra l’escalfament global.
 
Dins dotze meses se tendrà en Egipte la COP27. Aquí, los estats deuràn explicar lors plans precises per aumentar la reduccion de las emissions e se veirà se s'es concretizat qualques acòrdis coma la reduccion del metan o la desforestacion.

 
 
 

In Glasgow, the world came together for our planet and people to finalise the Paris Agreement. Countries at #COP26 increased their ambition and took real #ClimateAction. With the Glasgow Climate Pact, 1.5 is within reach.#TogetherForOurPlanetpic.twitter.com/kVePvbwQsk — COP26 (@COP26) November 14, 2021   The #COP26 is over. Here’s a brief summary: Blah, blah, blah. But the real work continues outside these halls. And we will never give up, ever. https://t.co/EOne9OogiR — Greta Thunberg (@GretaThunberg) November 13, 2021