Actualitats
Nos a quitats Gèli Grande, militant occitanista e copresident del Partit de la Nacion Occitana
Poèta, afogat del rugbi, de la literatura e del cinèma, collaborava amb fòrça mèdias occitans dont Jornalet
Tèxte legit
Nos a quitats Gèli Grande, militant occitanista e copresident del Partit de la Nacion Occitana. Afogat del rugbi, de la literatura e del cinèma, e tanben poèta, escriviá de cronicas per Lo Lugarn, teniá una tribuna dins Jornalet, fasiá una cronica rugbistica sus Ràdio Lengadòc e una cronica onomastica dins l'emission occitana Adishatz de Ràdio Entre Duas Mars en Gironda. Collaborava fòrça activament amb la calandreta d’Agen.
Gèli Grande nasquèt fa 68 ans en Tunisia, d’un paire de soca italiana e d’una maire d’origina espanhòla. Arribèt en Occitània en 1957. En 1969, descobriguèt l’occitanisme e abracèt lo nacionalisme descolonizaire de Francés Fontan.
Tresvirats per aquesta marrida nòva, la còla de Jornalet planhèm sincèrament lo dòl de Janina Cazes e totes los parents, amics e camaradas de Grande.
Gèli Grande nasquèt fa 68 ans en Tunisia, d’un paire de soca italiana e d’una maire d’origina espanhòla. Arribèt en Occitània en 1957. En 1969, descobriguèt l’occitanisme e abracèt lo nacionalisme descolonizaire de Francés Fontan.
Tresvirats per aquesta marrida nòva, la còla de Jornalet planhèm sincèrament lo dòl de Janina Cazes e totes los parents, amics e camaradas de Grande.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mai qu'un òme, Gèli era un uman de las grandas. Era qualqu'un de capborrut e plan ancrat dins sas ideas. Coma disian aier amb un companh FB "S'engrunar amb lo Gèli, era un espòrt nacional occitan"... Caquela, l'engrunatge durava pas que qualquas minutas, sia l'anavian veire, sia nos venia veire e se reglava a l'entorn d'un gòt e d'una discutida "d'uman a uman". Una pensada per la Janina e sa familha, un desconsolament gran d'aguer perdut un uman flame, un òme de tria e un amic... Arvei'se Arvei'se Gèli.
Vertadèrament còrtocat per aquesta novèla d'un tristèr incresible. L'avèvi encontrat dambe l'associacion peu retorn de la finala de rugvy en Occitània, puèi avèva escrit minutinas. Tostemps agradable e benvolent. Quina pèrda !
E ben, quin tristum, uèi. Quin truc.
Que repause en patz dins la tèrra que sapièt aimar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari