Bandièra01 1180x150: Comuna de Tolosa

Actualitats

Internacional

Macron prepausa d’inclure lo drech d’avortar dins la Carta dels Dreches Fondamentals de l’UE

O a dich dins una session plenièra del Parlament Europèu davant la nòva presidenta de la cambra, contrària a l’avortament

Tèxte legit

Lo president francés, Emmanuel Macron, prepausa que lo drech d’avortar siá mai protegit dins l’Union Europèa en l’inclusent dins la Carta dels Dreches Fondamentals de l’Union. O a dich dins una session plenièra del Parlament Europèu a Estrasborg davant la nòva presidenta de la cambra, Roberta Metsola, qu’es contra l’avortament. Pasmens, ramentem que los eurodeputats macronistas votèron per Metsola.
 
Macron a presentadas las prioritats de la presidéncia del Conselh de l’Union Europèa, que la ten França entre genièr e junh 2022, e a suggerida aquela reforma del document que s’aprovèt en decembre de 2000. “Nos cal emplegar la Carta dels Dreches Fondamentals de l’Union Europèa per protegir lo clima e reconéisser lo drech a l’avortament”, çò a declarat.
 
L’antiavortisme de Metsola foguèt l’aspècte mai criticat entre los deputats progressistas opausats a sa candidatura. L’avortament es enebit a Malta, e lo país impausèt una condicion a son adesion a l’UE que l’exemptava de quin acòrdi general que foguèsse sus aquel drech.
 
Dins un contèxt de tension màger a la frontièra ucraïnesa, ont Russia a menat de desenas de milièrs de soldats, lo president francés a defendut un dialòg “franc e exigent” amb Moscòu per aténher una sortida politica de la crisi, e mai aja pas trantalhat per criticar las manòbras russas de “destabilizacion, manipulacion e ingeréncia” e aja sostenguda l’integritat territoriala d’Ucraïna.
 
 
Li demandan de defendre la lei Molac
 
Lo deputat catalan, Jordi Solé, es intervengut per dire a Macron qu’una de las manièras de refortir l’UE es lo respècte de la diversitat, mai que mai lingüistica. “En França, de lengas coma l’occitan, lo còrs, lo breton, l’alsacian, lo basco e lo catalan son encara consideradas de mendre importància. Ajatz lo coratge de far qu’aquelas lengas tengan los dreches que meritan, coma o pretendiá la Lei Molac”, çò li a dich.
 
Lo Conselh Constitucional francés tombèt dos articles primordials de la lei de proteccion de las lengas minorizadas al motiu que l’article 2 de la Constitucion precisa que “la lenga de la Republica es lo francés”. Divèrses sectors reclaman a Macron de cambiar la Constitucion per poder aplicar la lei, mas lo president francés s’es pas jamai prononciat sus aquel subjècte.
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cristèl
3.

#1 pas de vagina pas de vejaire mercés!!

  • 0
  • 17
Franc Bardòu
2.

Macron prepausa d’inclure lo dreit d’avortar dins la Carta dels Dreits Fondamentals de l’UE, per amor qu'aquò fa popular e progressista e que, totun, non costarà jamai res als miliardaris ! Per ara, nos podèm regaudir : non prepausa d'inclure lo dreit de far crebar las lengas dels autres dins la Carta dels Dreis Fondamentals de l'UE. Normal, tant que non es tengut de las empachar de crebar, pòt continuar son pretzfait genocidari, tranquille coma Guston quand tornava d'escodre. Per paréisser mens fascista ee mai progressista, li demorarà sempre de prepausar lo dreit dels maridatges omosexuals dins la meteissa CDF de l'UE. Aquò tanpauc non cosarà res als miliardaris.

  • 9
  • 0
pierre lachaud
1.

Perqué lo besonh d'avortar e totjorn d'avortar?
Avortar es pas un dreit; es un crime. Lo nene a deja una consciença en arriban dins lo ventre de la mair. Existe en tant qu'essr uman. Es capable de tornar coneiser la votz de sa mair, de ressentir si es plan o mau nurit, ,si sa mair a de la colera o de la tristessa o ben si es urosa.
Quand una femna es obligeada d'avortar devria considerar que li chau tuar un esser viu, far lo dòu coma per un mòrt vertadier, s'excusar que podia pas far autrament. Una prostituat disia "sei pas de la vianda quand mesme". lo bebe a lo dreit de dire tant ben "sei pas de la vianda".
Me sei laissat dire sur internet que lo foetus avortat fasia l'object d'un comerci e que podia se tornava trobar dins l'alimentacion o ben qu'era utilisat en medecina per nurir de las personas qu'i trobavan un plan per viure sens malaudia e i mesme trobar l'imortalitat.
Tornan vendre lo foetus? Lo foetus apparten a la mair.

  • 31
  • 23

Escriu un comentari sus aqueste article