Bandièra01 1180x150: Comuna de Tolosa

Actualitats

Es Paums presenten un cuertmetratge musicau sus es Barbacans de Canejan

Clip musicau e filmet documentari, Eth balh der os presente era hèsta ancestrau d’iuèrn de Canejan, que vire ar entorn dera figura der os

Tèxte legit

Eth darrèr videoclip de Es Paums, que se presentèc dissabte passat, ei un cuertmetratge musicau e tanben un documentari que tracte era hèsta des Barbacans de Canejan, era hèsta d’iuèrn que vire ar entorn dera figura der os.
 
Entitolat Eth balh der os, s’agis deth prumèr trabalh d’ua tetralogia nomenada Artz (deth basc “hartz” que vò díder “os”) que se presente damb sostítols en sièis lengües:
occitan aranés, catalan, castelhan, basc, francés e anglés. Es tèxtes son basadi sus poèmes deth poèta aranés Jèp de Montoya e era musica a estat compausada per Jaume Masana Castet.
 
Enregistrat enes terçons de Quate Lòcs e Lairissa e ena encontrada de Luishon, eth filmet qu’a estat dirigit peth cineasta Jòse Bergés que ja virèc un aute videoclip entà Es Paums est’an passat: Oxitònia.
 
 
Es Barbacans de Canejan
 
Es Barbacans de Canejan qu’ei ua hèsta tradicionau ancestrau arrecuperada en an 2004. Ara manèra mès ancestrau deth carnaval pirenenc, es Barbacans que son uns personatges vestidi damb pèths e còrnes d’animaus coma cèrvis, vaques, ossi… que passegen pes carrèrs en tot hèr a sonar es esqueres que pòrten estacades ena centura.
 
Es Barbacans passegen per Canejan, mentre d’auti personatges espanten ara gent damb un balhon e un liròt lord, o un personatge mascat de hemna en prenhatge que lance cendre ara gent coma simbòl de renauiment dera vida. Era hèsta, mès que mercar eth començament de Quaresma, qu’arrebrembe qu’er iuèrn serà lèu acabat, qu’es animaus gessen des bòrdes e qu’er os ges dera tuta.
 
Eth rituau que s’acabe ena plaça damb era crèma de Magràs, coneishut en Bearn coma a Sent Pançard o en d’auti lòcs damb eth madeish nòm de Carnaval. De hèt, es aranesi nomenten Magràs ad aquera hèsta iuernau d’excèssi, qu’es matuquets o canejanesi e ne diden Barbacans.
 
Eth personatge de Magràs qu’ei cremat dempús d’èster jutjat e que cargue damb toti es maus deth país.
 

 


abonar los amics de Jornalet

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Es Paums Vilamòs
4.

Pascau:
Passa-me eth tòn email per privat e te manarè es sustitols e era version de toti es documents en aranés, catalan, castelhan, francés, anglés e euskèra.
Maname-lo a espaums@gmail.com

  • 1
  • 0
francesc palma
3.

Un bon trabalh

  • 1
  • 0
Pascau
2.

Que vau utilisar aqueste article e lo videoclp tà un deus mens grops d'eslhèves, donc mercés un còp mei! ...Per contra dens l'article que i a escriut que i a sostítols en hèra de lengas e ne'us tròbi pas su youtube... Lhèu ei ua error au moment de la mesa en lhinha? O lhèu soi jo qui ne m'i gahi pas plan...
Youtube que'm ditz "sous-titres non-disponibles" :-(

Bò après, que's compren l'essenciau shens!

  • 2
  • 0
Pascau
1.

Mercés! Lo clip e la musica que son supèr! Véder quin monde d'Aran prenen l'ors com un element de la loa identitat que trenca dab çò qui's passa en Arièja (on los ors son meilèu mau vists)

  • 10
  • 2

Escriu un comentari sus aqueste article