Lo filme Alcarràs, de la realizaira catalana Carla Simón, a emportat l’Ors d’Aur de la 72a Berlinale, lo Festenal Internacional de Cinèma de Berlin. Es lo primièr film catalan que davèra lo guierdon d’aquel festenal, un dels mai prestigioses del Mond.
 
En 2017, la realizaira ganhèt lo prèmi del festenal de la melhora primièra òbra pel filme Estiu 1993, que foguèt tanben laureat amb lo Grand Prèmi Generation Kplus. Ongan, Alcarràs s’es impausat davant de grands filmes coma Return to dust, del cineasta chinés Li Ruijun. La jurada de l’Ors d’Aur es formada de prestigiosas personalitats del mond de la 7a Art, coma M. Night Shaymalan, Karim Aïnouz, Saïd Ben Saïd o Anne Zohra Berrached.
 
Alcarràs, rodat integralament en catalan, conta l’istòria de la darrièra culhida de frucha d’una familha dins un domeni de la vila d’Alcarràs, près de Lhèida, abans que los proprietaris i installen de panèls solars. Coma dins Estiu 1993, l’istòria s’inspira d'un episòdi de la vida de Simón, que sa maire es originària d’Alcarràs.
 
Dins lo discors d’acceptacion del prèmi, Simón a dedicat lo filme “a totas las petitas familhas d’agricultors que trabalhan la tèrra cada jorn per que la frucha pòsca arribar dins nòstras siètas”. A mai, la cineasta a lausat lo trabalh de la distribucion del filme qu’avián pas jamai abans fach los actors. Segon Simón, èra indispensable que foguèsson de mond pròches del terren. La distribucion del filme es d’efièch integralament compausada d’actors non professionals engatjats dins los camps del país. Un total de 9000 agricultors participèron al casting.
 
 
 

Carla Simón fa història a la Berlinale amb l'Os d'Or per "Alcarràs"
La cineasta Badalonina ha dedicat el premi a les famílies d'agricultors que treballen la terra i s'ha definit com "una filla de la Berlinale
Així ho han celebrat a Alcarràs!!
pic.twitter.com/Afkj3RfIJ2

— David Torrents (@torrents_d) February 16, 2022

“Alcarràs” de Carla Simón ha guanyat l’Ós d’or a la #Berlinale. És la primera vegada que una pel·lícula catalana rodada en català guanya el guardó a millor pel·lícula al Festival Internacional de Cinema de Berlín. pic.twitter.com/JY16wV0vzR

— Oriol Serra (@oriolserra) February 16, 2022