Divendres 13 de mai, al Platèl dels Poètas, a Besièrs, las tres escòlas Calandreta besierencas, lo CIRDÒC Institut de cultura, Aprene e la Federacion Departamentala de las Calandretas convidan los enfants a participar a l’ueitena Passejada Literària Calandreta. Es un recampament bèl de mai de 700 escolans occitans, de la mairala cap al collègi, que van premiar los 3 libres presats aprèp lecturas, debats, votacion e, de segur, rescontres amb los autors.
 
Pendent tota la jornada, d’obradors seràn organizats per las 37 classas participantas, menats per de professionals dels libres occitans: bibliotecaris, editors, illustrators, escrivans, contaires, musicians e tanben, de segur, regents e escolans.
 
Los autors, traductors, editors de la seleccion del prèmi literari Calandreta 2021-2022 seràn presents per festejar, e los que seràn causits per aquela joventut legeira en occitan i seràn premiats.
 
Aquela ueitena edicion es organizada per las calandretas besierencas coma o faguèron las annadas passadas las calandretas d’Agde, de Nimes e de Carcassona... Una vertadièra jornada de fèsta estrambordanta a l’entorn de la literatura de joventut en occitan de partejar!
 
 
 
 
Ana Laura Tobena

 
 

fffff		fffff
	Lista dels libres seleccionats   Mairalas:   1. JESSIE, Raphaëlle e BuBöL. Dab los amics, Avajon la marmòta que hè rampèu a l’ivèrn. Per Noste, 2020. 26 paginas.   2. LÉGLISE, Julie e GABORIT, Léa. Quicòm dins la cauna. Gamineries, 2020. 32 paginas   3. DO, Agnès. Boleta e las colors.Publicacion independenta, 2021. 32 paginas.   4. LANGONNET, Cécile. Las emocions. Per Noste, 2018. 35 paginas.     Cicle 2:   1. JACQUES-SERANO, Sòfia. La Crab’estela. IEO Aude, 2020. 16 paginas.   2. PALLIER, Patricia e DEMAREST, Chantal. Lo baron de Tustamina. Grelh Roergàs, 2021. 28 paginas   CAPARROS, Anne-Marie,  TABONI MISÉRAZZI, Janne e Judi. Un solelh sul cap. Edite-moi, 2021. 26 pagina.   4. MAZOYER, Marineta. Mon oliu “tan polit”. Edicion de la Potzòta. 2020.     Cicle 3:   1. OURTIÈS, Hélène (traduccion Joan-Claudi Forêt). Lo secrèt de Les. Sansouire, 2020. 36 paginas-   2. JAHAN, Annick. L’Oliu del giratòri, L’An Demain, 2021, 24 paginas.   3. DEMÈSA, Jaume. Òme d’Òrb. E...rau edicions, 2021. 153 paginas.   4. DAUDET, Alphonse (traduccion d’Andrieu Lagarda). Letras de mon molin. Letras d’òc, 2021. 128 paginas.

 

fffff		fffff
	Programa de la jornada 8a Passejada Literària Calandreta a Besièrs Divendres 13 de mai     09h45 – 10h00: — Acuèlh individualizat de las classas. — Remesa del diplòma de participacion al Prèmi per la classa — Distribucion de la “Mapa” amb los diferents luòcs marcats e oraris dels obradors.   10h15 – 11h00: 1r talhièr   11h00 – 11h45: 2d talhièr   12h00 – 13h00: Repais tirat de la saqueta   13h00 – 13h45: 3n talhièr   14h00: — Remesa dels prèmis — Discors de mercejament a las calandretas participantas e bilanç del prèmi literari Calandreta.   14h30  – 15h00: Balèti   15h30 – 16h00: Passejada liura dins lo pargue

 

fffff		fffff
	Jornalet a l'escòla Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.  Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans. Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…