Bandièra01 1180x150: País Invisible

Actualitats

Mireia Boya quita la CUP en causa de la marrida gestion de son secutament

Fa tres ans se retirèt de la politica catalana, en denonciant un secutament psicologic continú de part d’un camarada que li aviá causat un malaise emocional complicat

Tèxte legit

L’activista aranesa e occitanista Mireia Boya quita la CUP. Dimècres passat, se retirèt de la candidatura independentista d’esquèrra dels Païses Catalans per la marrida gestion que l’a facha l’organizacion de son cas de secutament. O anoncièt sus Twitter.
 
Dins son comunicat, l’èx-deputada anticapitalista explica que, malgrat que seguiguèsse ela lo protocòl intèrne per gerir lo cas, la gestion se faguèt de l’organizacion estant sens metre Mireia Boya al centre, çò que contraven a un engatjament basic del feminisme adoptat per la CUP. Assegura que quitament la tractèron de messorgièra.
 
De son caire, la CUP a reagit amb un comunicat qu’assegura que “coma organizacion feminista” contunharà de s’examinar en trabalhant “per l’eradicacion de tota actitud masclista” tant dins sos espacis coma dins l’ensemble de la societat. Lo comunicat tanben planh la decision de Boya e finís que “merceja la companha e èx-deputada per tot son obratge que l’a fach ela pendent totas aquestas annadas”.
 
Fa tres ans, Boya anoncièt son retirament del Secretariat Nacional de la CUP e de la politica catalana, en denonciant que pendent lo periòde que foguèt deputada aviá patit un secutament psicologic continú de part d’un camarada, çò que li causèt un malaise emocional complicat.

 
 
abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
3.

#2 Une Occitans ne son sòcis, notadament, Mireia Boya qu'es una occitana, n'èra sòci. Non a quitat la CUP per divergéncia d'opinion teorica, mas per çò que, segon ela, la CUP non tendriá, dins sa practica, la via que fixa dins sa teoria aficada. Lo problèma non es donc de saber se i a d'Occitans que son d'esquèrra (non pas de socialistas de dreita trobant normal d'enriquir los rics mentre que los paures s'apaurassisson) ni se son independentistas (per Catalonha e Occitania) mas de remarcar qu'aquel partit, la CUP, non ten la linha que s'es fixada.

Çò que, pels amics de François Hollande, ten de la banalitat mai generala… (Cf. "Mon ennemi, c'est la finance"). Avèm vist lo resultat amb la lei El Khoumri !

  • 4
  • 0
Cairòl
2.

La Candidatura d’unitat popular (CUP) seriá un partit independentista catalan d’esquèrra, en Espanha.
D’unes Occitans ne serián sòcis.

  • 5
  • 2
carles països valencians
1.

la CUP? quina gentola ...

  • 3
  • 15

Escriu un comentari sus aqueste article