Bandièra01 1180x150: País Invisible

Actualitats

crotz-tolosaCreated with Sketch.Valadas Occitanas

Per Sant Joan, una bandièra occitana a cada ostal

L’Assemblada Occitana de las Valadas fa sa tresena crida als ciutadans per que meton lo drapèl occitan a la fenèstra o al balcon de lor ostal

| Guilhèm Sevilha

Tèxte legit

L’Assemblada Occitana de las Valadas prepausa la tresena edicion de l’eveniment “una maison, una bandièra occitana” a l’ocasion del jorn de Sant Joan, divendres que ven, una fèsta plan sentida en tota Occitània. Per tant, se crida los ciutadans a metre lo drapèl occitan a la fenèstra o al balcon de lor ostal. Ongan, vòlon dedicar aquesta edicion a Gèli Grande, militant occitanista e copresident del PNO que nos quitèt lo 10 de genièr passat.
 
“La bandiera representa nòstre sens d’apertenéncia a la nacion occitana; un biais per demostrar d’amor a la lenga occitana en mai de la practicar chasque jorn e l’ensenhar a nòstri filhs”, çò precisa Mattia Pepino, militant de l’Assemblada Occitana dins la Val Vermanhana. “Cresèm que devèm pas aver paur d’o declarar publicament amb l’exposicion de la bandiera occitana a nòstri ostals”, çò precisa.
 
La crida s’espandís a “tota Occitània, de la Mediterranèa a l’Atlantic, di Alps ai Pirenèus”. Las cridas precedentas an obtengut un succès inesperat, e ongan s’espèra qu’aquel succès serà pus grand mentre que desiran “una implicacion larja de totas las entitats e associacions occitanistas”.

 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article