Bandièra01 1180x150: Comuna de Tolosa

Actualitats

CulturaInternacionalPoliticaSocietat

Madrid: una artista reputada retira son òbra del Musèu Reina Sofia per protestar contra la cima de l’OTAN

Per Daniela Ortiz es una “aberracion” qu’un tablèu coma Guernica siá emplegat coma “tela de fons” per los que promòvon la guèrra

Daniela Ortiz ditz qu’es una “aberracion” qu’un tablèu coma <em>Guernica</em> “realizat en responsa a un bombardament” siá emplegat coma “tela de fons” per los que “decidisson d’impausar la guèrra a l’escala globala”
Daniela Ortiz ditz qu’es una “aberracion” qu’un tablèu coma Guernica “realizat en responsa a un bombardament” siá emplegat coma “tela de fons” per los que “decidisson d’impausar la guèrra a l’escala globala” | EFE

Tèxte legit

L’artista peroviana Daniela Ortiz Cevallos demanda al musèu Reina Sofia de Madrid que retire son òbra per protestar contra l’eveniment politic, amb la reina d’Espanha e las molhèrs de caps d’estat o de govèrn, qu’aculhiguet lo sit a l’escasença de la cima de l’OTAN, çò rapòrta La República.
 
Dins una letra mandada al musèu, l’artista ditz qu’es una “aberracion” qu’un tablèu coma Guernica “realizat en responsa a un bombardament” siá emplegat coma “tela de fons” per los que “decidisson d’impausar la guèrra a l’escala globala”.
 
En mai d’aquò, Ortiz precisa que l’OTAN sosten “l’egemonia de l’imperialisme estatsunidenc e europèu”, e deplora que se cedisca al cantatge de Turquia qu’ara pòt “intensificar la guèrra e lo secutament del pòble curd”. Enfin, l’artista remembra lo massacre de Melilla e critica que la cima de l’OTAN aja considerat coma una menaça los fluxes migratòris: “Aquela decision enfortirà encara mai la militarizacion de la frontièra e la violéncia mortala contra la populacion migranta”.
 
 
 


 
 
abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cristina Galargues
1.

Òsca e mercé als artistas engatjats qu'an lo coratge de lors opinions.
Son alinhats en se !
Pensi que lors actes nos ajudan a soscar e rasonar un pauc mai.
Son un pauc de lutz al cap del camin...

  • 7
  • 0

Escriu un comentari sus aqueste article