Actualitats
Se publica d’imatges que mòstran cossí fonciona Pegasus
Mòstran cossí se pòt capturar d’ecrans de l’aparelh espionat, se’n servir coma microfòn o camèra sens que lo proprietari del telefòn o sàpia
Tèxte legit
Lo jornal israelian Haaretz a publicat d’imatges que mòstran cossí fonciona lo logicial d’espionatge Pegasus. Los imatges son de capturas d’ecran d’un prototipe del logicial emplegat per una unitat d’elèit de la polícia israeliana, extraches d’una presentacion Power Point pels dirigents de l’estat.
Los imatges mòstran que i a una seguida d’activitats que se pòdon far amb lo telefòn mobil espionat: capturar d’ecrans de l’aparelh, se’n servir coma microfòn o camèra sens que lo proprietari del telefòn o sàpia...
Mai de 100 000 espionats
En julhet de 2020 raportàvem dins Jornalet, que mai d’una centena de personas èran estats espionats amb un logicial per telefòns intelligents que solament los govèrns dels estats podián aquerir. Un an pus tard, Microsoft desvelèt que los espionats èran mai de 100 000 e a publiquèt 50 000 numèros de telefòn piratats.
Un consòrci de sètze mèdias de pertot dich The Forbidden Stories a accedit a la lista de victimas d’aquel espionatge. Assabenta que las victimas son environ 180 jornalistas de païses coma Índia, Mexic, Ongria, Marròc e l’estat francés; e tanben d’activistas pels dreches umans, d’universitaris, d’entrepreneires, d’avocats, de mètges, de dirigents sindicals, de diplomatas, de politicians e qualques caps d’estat. Demest los espionats se tròban lo president de la Generalitat de Catalonha en exili, Carles Puigdemont, e plan d’autres independentistas catalans.
Entre los numèros de telefòn localizats per Microsoft, mai de 15 000 son en Mexic e son de jornalistas, de politicians e de dirigents sindicals e critics envèrs lo govèrn. Tanben i a un grand nombre de victimas de l’Orient Pròche dont Qatar, los Emirats Arabis, Bahrayn e Iemèn. S’es trobat fòrça numèros de jornalistas d’Índia, coma lo de Siddarth Varadarajan, fondador del jornal The Wire, un dels mèdias qu’a publicat l’informacion. Se mençona tanben lo telefòn de Szabolcs Panyi, jornalista d’investigacion del jornal ongrés Direkt36, qu’a tanben assabentat de la nòva.
Segon The Guardian, lo govèrn de Viktor Orbán en Ongria a emplegat l’esplech per espionar d’avocats, d’opausants politics e de jornalistas. De son latz, lo govèrn ongrés desmentís d’aver practicat cap mena d’espionatge. Pasmens, l’analisi del telefòn de Panyi a demostrat qu’aguèt lo telefòn contrarotlat per aquel logicial pendent sèt meses en 2019.
Las analisis d’Amnestia Internacionala an trobat tanben d’evidéncias que s’installèt lo logicial dins los telefòns mobils de la femna e de la filha del jornalista Jamal Khashuqji (sovent transcrich Khashoggi), assassinat dins lo consolat saudita d’Istambol en octòbre de 2018.
Macron espionat per Marròc
Entre los telefòns espionats n’i aviá un que lo president francés, Emmanuel Macron, emplega regularament dempuèi 2017, e tanben los numèros de l’èx-primièr ministre Édouard Philippe e de catòrze ministres del govèrn francés. Segon d’informacions publicadas per Le Monde, aqueles numèros de telefòn foguèron triats per un servici de seguretat de l’estat marroquin, utilizaire del logicial d’espionatge.
Lo Catalangate
L’escàndol del Catalangate arribèt lo 18 d’abril passat amb la publicacion en primièra pagina dins lo setmanièr The New Yorker d’un bèl reportatge entitolat “Cossí las democracias espionan lors ciutadans”. Lo rapòrt, centrat suls marrits usatges faches per qualques estats del logicial israelian Pegasus, desvelava qu’una seissantena de politicians e jornalistas independentistas catalans èran estats espionats amb Pegasus, un logicial que dona als espions accès a tot lo contengut del telefonet e lor permet quitament d’activar a distància lo microfòn e la camèra, çò que faculta un espionatge considerable.
Demest los espionats i a l’actual president de la Generalitat e los tres precedents, dont Carles Puigdemont. L’article recòrda que Puigdemont es ara membre del comitat del Parlament Europèu que met en examen Pegasus. Justament, aquel comitat s’amassèt pel primièr còp dimars de la setmana passada.
Installat amb un apèl vidèo de WhatsApp
Lo logicial s’introdutz dins lo telefòn mobil per mejan d’un apèl vidèo de WhatsApp que la victima i deu pas quitament respondre. Un còp que lo logicial es installat, los espions an accès a tot lo contengut del telefonet e pòdon quitament activar a distància lo microfòn e la camèra, çò que permet un espionatge considerable.
Aquel esplech d’espionatge es desvolopat per la societat israeliana NSO Group, qu’assegura que solament lo vendon als govèrns dels estats amb la tòca exclusiva d’espionar suspèctes de crimes o delictes grèus o de terrorisme.
Los imatges mòstran que i a una seguida d’activitats que se pòdon far amb lo telefòn mobil espionat: capturar d’ecrans de l’aparelh, se’n servir coma microfòn o camèra sens que lo proprietari del telefòn o sàpia...
Mai de 100 000 espionats
En julhet de 2020 raportàvem dins Jornalet, que mai d’una centena de personas èran estats espionats amb un logicial per telefòns intelligents que solament los govèrns dels estats podián aquerir. Un an pus tard, Microsoft desvelèt que los espionats èran mai de 100 000 e a publiquèt 50 000 numèros de telefòn piratats.
Un consòrci de sètze mèdias de pertot dich The Forbidden Stories a accedit a la lista de victimas d’aquel espionatge. Assabenta que las victimas son environ 180 jornalistas de païses coma Índia, Mexic, Ongria, Marròc e l’estat francés; e tanben d’activistas pels dreches umans, d’universitaris, d’entrepreneires, d’avocats, de mètges, de dirigents sindicals, de diplomatas, de politicians e qualques caps d’estat. Demest los espionats se tròban lo president de la Generalitat de Catalonha en exili, Carles Puigdemont, e plan d’autres independentistas catalans.
Entre los numèros de telefòn localizats per Microsoft, mai de 15 000 son en Mexic e son de jornalistas, de politicians e de dirigents sindicals e critics envèrs lo govèrn. Tanben i a un grand nombre de victimas de l’Orient Pròche dont Qatar, los Emirats Arabis, Bahrayn e Iemèn. S’es trobat fòrça numèros de jornalistas d’Índia, coma lo de Siddarth Varadarajan, fondador del jornal The Wire, un dels mèdias qu’a publicat l’informacion. Se mençona tanben lo telefòn de Szabolcs Panyi, jornalista d’investigacion del jornal ongrés Direkt36, qu’a tanben assabentat de la nòva.
Segon The Guardian, lo govèrn de Viktor Orbán en Ongria a emplegat l’esplech per espionar d’avocats, d’opausants politics e de jornalistas. De son latz, lo govèrn ongrés desmentís d’aver practicat cap mena d’espionatge. Pasmens, l’analisi del telefòn de Panyi a demostrat qu’aguèt lo telefòn contrarotlat per aquel logicial pendent sèt meses en 2019.
Las analisis d’Amnestia Internacionala an trobat tanben d’evidéncias que s’installèt lo logicial dins los telefòns mobils de la femna e de la filha del jornalista Jamal Khashuqji (sovent transcrich Khashoggi), assassinat dins lo consolat saudita d’Istambol en octòbre de 2018.
Macron espionat per Marròc
Entre los telefòns espionats n’i aviá un que lo president francés, Emmanuel Macron, emplega regularament dempuèi 2017, e tanben los numèros de l’èx-primièr ministre Édouard Philippe e de catòrze ministres del govèrn francés. Segon d’informacions publicadas per Le Monde, aqueles numèros de telefòn foguèron triats per un servici de seguretat de l’estat marroquin, utilizaire del logicial d’espionatge.
Lo Catalangate
L’escàndol del Catalangate arribèt lo 18 d’abril passat amb la publicacion en primièra pagina dins lo setmanièr The New Yorker d’un bèl reportatge entitolat “Cossí las democracias espionan lors ciutadans”. Lo rapòrt, centrat suls marrits usatges faches per qualques estats del logicial israelian Pegasus, desvelava qu’una seissantena de politicians e jornalistas independentistas catalans èran estats espionats amb Pegasus, un logicial que dona als espions accès a tot lo contengut del telefonet e lor permet quitament d’activar a distància lo microfòn e la camèra, çò que faculta un espionatge considerable.
Demest los espionats i a l’actual president de la Generalitat e los tres precedents, dont Carles Puigdemont. L’article recòrda que Puigdemont es ara membre del comitat del Parlament Europèu que met en examen Pegasus. Justament, aquel comitat s’amassèt pel primièr còp dimars de la setmana passada.
Installat amb un apèl vidèo de WhatsApp
Lo logicial s’introdutz dins lo telefòn mobil per mejan d’un apèl vidèo de WhatsApp que la victima i deu pas quitament respondre. Un còp que lo logicial es installat, los espions an accès a tot lo contengut del telefonet e pòdon quitament activar a distància lo microfòn e la camèra, çò que permet un espionatge considerable.
Aquel esplech d’espionatge es desvolopat per la societat israeliana NSO Group, qu’assegura que solament lo vendon als govèrns dels estats amb la tòca exclusiva d’espionar suspèctes de crimes o delictes grèus o de terrorisme.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Aquel apleit d’espionatge, lo desvelòpa la societat israeliana NSO Group, qu’assegura que solament lo vendon als govèrns dels estats amb la tòca exclusiva d’espionar suspèctes de crimes o delictes grèus o de terrorisme. Òc-ben. Es un pauc coma lo lobby dels vendèires d'armas als EUA qu'assegura que de vendre d'armas de fòc permet sonque d'afortir la defensa dels ciutadans americans, e que gaita morir sense comentari de detzenats d'enfants quand un malaut de lor societat monstrosament inegalitarista arribar armat coma un brau per netejar classas senceras d'establiments escolars… La tòca d'un vendèrie es de far moneda, l omai que se pòsca dins lo temps mai cort possible. La tòca d'un mafiós tanben. La diferéncia, la sola, entre lo segond e lo primièr es que lo segon, se chautant de la lei, non a pas p´Æur de defendre sos interèsses financièrs e sa reputacion las armas a la man. Los que fabregan aquel aplèit informatic non valon res mai qu'aquesta engéncia. Lor etica e lors objectius son los meteisses. Sonque los metòdes diferisson.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari