Après doas temptativas falhidas d’enlairament, la NASA repòrta la mission Artèmis 1 de qualques setmanas o quitament de meses. Lo retorn de l’òme sus la Luna deu esperar. Dins la primièra temptativa, lo 29 d’agost, manquèt un sensor dels quatre motors de la fusada. Dins lo segond ensag se trobèt una pèrda de l’idrogèn liquid del combustible.
 
Artèmis 2 la seguirà la mission Artèmis 2 en 2024, qu’assajarà un vòl amb d’umans, abans que, en 2025, Artèmis 3 mene de personas sul satellit. La NASA a presentat la còla iniciala, formada de 18 astronautas, e assegura que los dos causits per trepejar la Luna seràn, pel primièr còp, una femna e una persona afroamericana.
 
Per ara, sembla que l’enaurament d’Artèmis 1 se tendrà dins la segonda mitat d’octòbre. Si que non, las datas seguentas serián del 12 de novembre al 27, e del 9 de decembre al 23.
 
 
Lo programa Artèmis
 
Lo programa Artèmis, que deu menar tornarmai d’umans sus la Luna e i establir una basa permanenta deu començar amb lo lançament de la mission Artèmis 1, sens astronautas, amb la tòca es de provar una nòva fusada de lançament colossala e la nau espaciala Orion.
 
La tòca de la mission es de tornar mandar d’astronautas sus la Luna en cercant d’i establir una basa permanenta. Aital se començarà de testar los sistèmas per explorar d’autras destinacions mai luènhas coma la planeta Mart.

 

The #Artemis I mission to the Moon has been postponed. Teams attempted to fix an issue related to a leak in the hardware transferring fuel into the rocket, but were unsuccessful. Join NASA leaders later today for a news conference. Check for updates: https://t.co/6LVDrA1toypic.twitter.com/LgXnjCy40u

— NASA (@NASA) September 3, 2022