Bandièra01 1180x150: Comuna de Tolosa

Actualitats

InternacionalLengaPolitica

L’estat francés mena la comuna d’Elna en justícia per aver reconegut l’usatge del catalan

Lo prefècte dels Pirenèus Orientals a fach una denóncia al Tribunal Administratiu per qu’anulle lo reglament que permet als conselhièrs de s’esprimir en catalan

| Wikimedia commons

Tèxte legit

L’estat francés demanda al Tribunal Administratiu d’anullar lo reglament municipal que reconeis lo drech dels conselhièrs de s’exprimir en catalan al conselh municipal a condicion que lors intervencions e documents se reviren al francés. Lo cònsol màger, Nicolas Garcia, a confirmat que la prefectura dels Pirenèus Orientals aviá denonciat la comuna: “Anarem al jutjament e ganharem! La vila d’Elna assignada davant un jutge per aver permés de legir los actes oficials tanben en catalan. Paura Republica Francesa”, çò a dich Garcia sus Twitter.
 
En abril passat, Elna venguèt la primièra comuna de Catalonha Nòrd a inclure dins lo reglament municipal lo drech de presentar sas deliberacions e de s’exprimir en catalan al conselh municipal. L’iniciativa la promoguèt lo cònsol màger, Nicolas Garcia, membre del Partit Comunista. Los conselhièrs municipals de l’oposicion de drecha votèron contra. “Elna defend doncas tot son patrimòni, catedrala, clastras, maternitat, barris e… la lenga e la cultura catalanas”, çò precisava Garcia en tot soslinhar que s’agissiá de la primièra comuna del departament qu’o fasiá oficialament.
 
Qualques meses abans, l’adjonch al cònsol, Pere Manzanares, aviá ja fach una intervencion al conselh municipal en catalan que faguèt als conselhièrs de l’oposicion, indignats, abandonar la sesilha. Aquestes denoncièron lo fach al prefècte dels Pirenèus Orientals, que mandèt una letra a la comuna en precisant que l’emplec del catalan èra pas permés. Alavetz, la comuna demandèt l’avís d’una jurista qu’assegurèt que lo prefècte aviá tòrt. La comuna envièt la responsa de la jurista al prefècte que, fin finala, donèt rason al cònsol màger.

 

abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles països valencians
3.

Cal defendre lo catalan a França, és urgent degut al perill de desaparéixer, cal posar tots el mitjos per a conservar, promocionar i espentar la llengua. tant de bo que els que la parlen en els ajuntaments la puguen amprar sens vergonya i lliurement. Endavant!

  • 10
  • 0
Passeron
2.

Aquel afar va alimentar la mesfisança del nòrd cap al sud, d’unes i veiràn, benlèu amb rason, la man dels Catalans espanhòls.
Los jacobins, reaccionars, centralistas, faissistas, drechistas, racistas, supremacistas, capitalistas, creson probablament que lo catalanisme rosselhonés seriá pas plan galhard sens Barcelona : que son nècis !
Subretot que n’i aurà per arguir que la lenga catalana perpinhanesa a sas particularitats… vertat, qual sap se ne tenon compte los elegits, d’aquel particularisme, o se son clients de la confeccion espanhòla ?

  • 4
  • 12
Franc Bardòu
1.

Tot lo gèni politic francés, concentrat en una actitud e un acte : un concentrat blos e tenebrós de conariá xenofòba estricta e manifèsta.

  • 42
  • 6

Escriu un comentari sus aqueste article